Taniera 2:21 - Te B'aib'ara

²¹ E taui aron taian tai ma taian aua; E kateia uea ao E kab'akaia naba; boni Ngaia ae E anga te rabakau ma te ataib'ai.

Taniera 2:21 ပူးပေါင်းရင်းမြစ်များ

1.Uea 10:24

A bane aomata nako mani botan-aomata nako ni kan ongora n ana taeka n rabakau, ake E a tia n anganna te Atua.

1.Uea 3:28

Ao a bane ni mimi Iteraera n aron Toromon ni motikitaeka. Ao a uringa are E a tia te Atua n anganna te wanawana ni motikitaeka n ae eti raoi.

1.Uea 4:29

E wanawana Toromon. E kakab'aia te Atua n anganna te rabakau ma te ataib'ai.

1.Rongorongo 22:12

Tera ngke E anganiko te rabakau ma te wanawana, b'a ko aonga ni konaa n tautaekana Iteraera n aron are n Ana tua.

1.Rongorongo 29:30

A korea rongorongon korakoran ana tautaeka ao taekan b'aai ni kabane ake a riki tiaki ti nakoina, ma nakon naba Iteraera ao botannaomata ake tekorakina.

Etita 1:13

Ao n te tai aei, ao e tataneiai te uea n titirakiniia ana taan iango i bukin tuua ma babaire. Ma ngaia are, e kanaanako weteaia taan iango, ake boni ngaiia aika a ataa te b'ai ae e riai ni karaoaki.

Iobi 12:18

E kab'akaia uea man aia kaintokanuea, ao E karikiia b'a buure.

Te Otinako 31:3

I aki ti kaonna n Tamneiu

Te Otinako 31:6

I a tia n rinea Ooriaba are kaain te baronga are Taan b'a e na m'akuri ma ngaia, ao I a tia n anga naba te konab'ai ni karaob'ai nakoia aomata nako aika na buokiia ni karaoi b'aai nako aika I a tia ni mwiokoingkami iai n aron aikai:

Taniera 1:17

Ao te Atua E anganiia rorobuaka aika aman aikai te rabakau n atai nanon koroboki ma te wanawana. Ao n reitaki ma anne ao E angan Taniera te rabakau ni kab'ara nanon taiani kaotioti ma taiani mii.

Taniera 10:1

Te kaotioti nakon Taniera i rarikin te karaanga are Taikiriti i nanon ana katenua n ririki ni uea Tairati i aon Bootia, ao e roko te rongorongo iroun Taniera, are arana naba Beretetiata. E koaua te rongorongo ma boni moan te kangaanga ataakin nanona. Ao e kab'araaki nakoina n te kaotioti.

Taniera 11:6

Ao i mwiin tabeua te ririki, ao e na manga reitaki uean Aikubita ma uean Tuuria, ao e na angan uean Tuuria natina te aine b'a buuna.

Taniera 2:20

“E bon rabakau te Atua ao E m'aaka! Neboia n aki toki ao n aki tootoki.

Taniera 2:23

I neboiko ao I karineko, Ngkoe ae Atuaia au bakatibu. Ko a tia n anganai te rabakau ma te korakora; Ko a tia ni kaekaa au tataro, ao n tuangai nanoni miin te uea.”

Taniera 2:9

b'a N na katuuaingkami ngkana kam aki kona n tuangai b'a tera te mii arei. Kam a tia ni kabooi nanomi b'a kam na kabanetai n ami taetae ni kewe, b'a kam taku i nanomi b'a e na bae ni bitaki baairean taekamii ngkana e maan riki te tai. Tuangai b'a tera te mii arei, ao I a kona n ataia iai b'a kam kona naba n tuangai nanona.”

Taniera 4:14

Ao e kanenea b'anaana man taku, “Korea te aroka ni kab'aka, ao erei m'aangana nako; ioi baana, ao kamrarai uaana. Kanakoia man aika kawakawa mai aana, ao mannikiba mai aon m'aangana nako.

Taniera 4:17

Aio ana babaire te anera are e b'aina te tatauraoi. Ma ngaia are, a na bane aomata n ataia b'a E m'aaka te Atua ae moan te m'aaka i aon abanuean te aomata, ao E kona n angan ane E bon taku, n ai aroia aika rangi ni mangori.’

Taniera 4:22

“Te uea ae ko karineaki, boni ngkoe te aroka are e rietaata ma ni korakora. Ko a tia n rikirake n rangi ni korakora n te aro are ko a roota karawa, ao e rooti taabo nako n te aonnaba aei m'aakam.

Taniera 4:32

Ao ane ko na kakioaki nako man te kaawa, ao ko na maeka ma taian man aika a moaanti, ao ko na kana te uteute n ai aron te kao i nanon itiua te ririki. Ao ane ko na kakoaua b'a iai m'aakan te Atua ae e m'aaka i aon ana tautaeka te aomata, ao E kona n anga nako ngaiia nakon temanna are E bon taku.

Taniera 7:25

E na taetae n eekaanako te Atua ae Moan te M'aaka, ao e na karawawataia ana Aomata te Atua. Ao e na kataia ni bita tuan ma botakin aia aro, ao a na mena ana Aomata te Atua i aani m'aakana i nanon tenua ma te iterana te ririki.

Ruka 21:15

B'a Ngai ae N na anganingkami te wii ae ribinewe ma te rabakau, b'a a aonga n aki kona aiami n tuuki ao ni kakewei ami taeka.

I-Rom 13:1

Ke a ongeaba aomata ni kabaneia irouia ake a tautaeka i aoia: b'a ti te Atua ae angan te aomata te m'aaka n tautaeka, ao Ngaia naba ae E kateia aika tautaeka ngkai n nakoaia.

1.I-Korinto 1:30

Ma E a tia te Atua n reitingkami ma Kristo Iesu, ao E a tia naba ni karika Iesu b'a rabakaura. A reke reitaki ma te Atua i Rouna; ti a riki b'a ana aomata te Atua ngaira, ao ti a kainaomataki i Rouna;

Iakobo 1:17

B'aai ni kabane aika raraoi ma ni moanibaan te raoiroi boni b'aai n tituaraoi mai eta, aika ruo mairoun Taman te oota, are akea i rouna te bibitaki are e na reke mai iai te nu ae roo.

Iakobo 1:5

Ngkana akea ana rabakau temanna i buakomi, ao e na butiia te Atua ae tituaraoi, ae kukurei n anganganiia aomata ni kabaneia, ao e na bon anganaki.

Te Kaotioti 19:16

Ao iai arana ae koreaki i aon ana kunnikai ao i aon rangana, ae kaangai, “AIA KING KING AO AIA UEA UEA”.