Taniera 2:11 - Te B'aib'ara

¹¹ Te uea ae ko karineaki, boni moan te matoatoa te b'ai ae ko titiraki iai n te aro are bon akea ae e kona ni karaoi ma ti anti aika a aki mamaeka i buakoia aomata.

Taniera 2:11 ပူးပေါင်းရင်းမြစ်များ

Karikani B'aai 41:39

Ao e taku te uea nakon Ioteb'a, “E a tia ni kaoti b'aai aikai ni kabane te Atua nakoim. Ma ngaia are, e bon teretere raoi b'a e bon raka riki rabakaum ma am atatai i aoia aomata nako.

Karikani B'aai 41:8

Ao e a raraoma ngke a ingabong, ao e a weteia taan tabunea ni kabane ao mm'aane naba ni kabane aika taan rabakau i aon Aikubita. E tuangiia miina, ma bon akea temanna ae kona ni kab'ara nanon miina nako ina.

1.Uea 8:27

E aki tau karawa i bukin nnen ni maeka te UEA ae te Atua. Ao Ko nang kanga riki ni maeka n te aonnaba i nanon te Tembora ae I karaoia?

2.Rongorongo 6:18

E bon aki tau buuburan karawa i bukim, te UEA ae te Atua. Ao ko nang kangaa riki ni maeka n te aonnaba n te Tembora ae I a tia ni karaoia aei?

Taian Areru 132:14

Aio te tabo ae N na maeka iai n aki toki; aio nneu ae I tangiria b'a au tabo n tautaeka.

Taian Areru 68:18

E rierake nakon te tabo ae rietaata, ao E kairiia aomata aika bati ake a taenikai i rouna; E kareke angab'ai mairouia, ao mairouia naba ake a rarawa ni kan aantaeka. E na maeka n te tabo arei te UEA ae te Atua.

Te Otinako 29:45

N na maeka i buakomi b'a Atuami Ngai,

Te Otinako 8:19

Ao a tuanga te uea taan tabunea b'a bon te Atua ae E karaoia. Ma n aron are E a tia n taekinna te UEA, e bon teimatoa naba n aki kan ongo te uea.

Itaia 47:12

Teimatoa ni kamanenai am tabunea ma am b'ainikawai. n aron are ko a tia ni kakaraoia. Tao e na mena ngkoa, tao ko a tia ni kakamaaka temanna!

Itaia 57:15

E maiu n aki toki Atuara n taiani karawa, ao aei ana taeka: Ngke I maeka n ae e rietaata i eta n te tabo ae e tabu, ma I bon mena naba ikai b'a N na buokiia aika nanorinano aika a ti mwiokoai.

Itaia 8:18

Ngai ma natiu bon taian kanikina ni kauring nakoia Iteraera mai roun te UEA ae Moan te M'aaka, are e maeka n te Maunga are Tion.

Taniera 4:4

I rangi ni maiu raoi i nanon au bareti. I ebiebi ni kaub'aiu nako.

Taniera 5:11

Boni iai te m'aane temanna n abanueam ae iai ana konab'ai ae e raka, e wanawana, e m'aatai n te kab'ara mii, e rabakau ni kaiwa, ao e atai nanoni baika a raba;

Ioera 3:21

I maeka Ngai ae te UEA i aon te Maunga ae Tion. N na katuaaia taani bure ao N na tei i bukiia aika akea aia bure.

Warekaia Iteraera 35:34

Ngkana e riki anne, ao e na tiringaki te tia tiritiri, b'a e aonga ni manga itiaki te aba. Tai karaoa te m'akuri n tiritiri mai aon Iteraera!

Mataio 19:26

Ao E tarataraia Iesu ao E taku nako ia, “A aki kona ni kamaiuia aomata i bon i rouia, ma a konaki b'aai nako iroun te Atua.”

Ioane 1:14

E riki n aomata te Taeka, ao E maeka i buakora. E on n te akoi ma te koaua, ao ti nora mimitongina, are mimitongina n arona b'a ti Ngaia Natin te Atua.

Ioane 14:17

Te Tia Buobuoki aei bon te Tamnei are Tabu i bukin te koaua; are e aki kona ni butim'aeaki iroun aonnaba, b'a e aki noria, ao e aki ataia. Kam ataia ngkami, b'a E maeka iroumi, ao E memena i nanomi.

Ioane 14:23

E kaekaa Iesu ao E taku, “Ngkana e tangirai te aomata, ao e na ongeaba nakon au taeka; e na tangiraki iroun Tamau, ao ti na nakoina ni maeka ma ngaia.

2.I-Korinto 6:16

Ao tera reitakin ana um'antabu te Atua ma bouannanti? B'a ngaira bon ana um'antabu te Atua ae maiu, n ai aron ana taeka te Atua are kangai: “N na mamaeka i buakoia ao N na nakonako i buakoia; N na riki b'a Atuaia, ao a na riki b'a au aomata.”

Te Kaotioti 21:3

Ao I ongo te b'ana man te kaintokanuea b'a e kaangai, “Noria, e mena ana um'anrianna te Atua irouia aomata! E na maeka i rouia, ao a na riki b'a ana botannaomata; ao te Atua E na memena i rouia.