Taniera 12:6 - Te B'aib'ara

⁶ Ao e taetae are temanna nakon raona are temanna are e tei maikekei riki nakon tabo are e raanga mai iai te karaanga ao e kaangai, “A na toki n ningai rikin b'aai aika a kamimii aikai?”

Taniera 12:6 ပူးပေါင်းရင်းမြစ်များ

Taian Areru 74:9

Akea kanikina aika kamimii aika ti noori; akea nikiraia burabeti n tiku; Ao akea temanna ae ataa maanin tain te aro aio.

Etekiera 9:2

I nooria onoman m'aane aika a roko n rin man mataroan te Tembora are mai meang, a taui b'ai ni buaka aika a rangi ni kamaamate n te tatabemaniia nako. E raoniia te kaitiman ae e kunnikainna n te niiniira te riinen, ao e uoti b'aai aika e na koroboki i aona. A rin m'aane akekei i nanon te Tembora ao a tei i rarikin te baonikarea.

Taniera 12:5

Ao i mwiina, I nooriia uoman anera aika a teitei i rarikin te karaanga, temanna n are te iterana, ao temanna n are te iterana.

Taniera 12:8

Ao I ongo ana taeka ngke e taetae ma I aki ataa nanona. Ma ngaia are, I titirakinna ni kaangai, “Nao, ma a na kangaa aron tokiia?”

Taniera 8:13

Ao I ongo ana taeka te anera temanna ngke e titirakina raona are temanna, “A na maanra waakin b'aai aika a oti n te kaotioti aei? E na maanra ana tai te bure are e kakamaaku n onea mwiin te angakarea are e katoabong? A na maanra aia tai te taanga ni buaka mai karawa, ao te Tembora n toutouaki?”

Taniera 8:16

Ao I ongo te b'anaa ae e weewete i aon te karaanga are Urai ae e kaangai, “Kabiriera, kab'arai nanoni kaotioti nakon teuanne.”

Mataio 24:3

Ngke E tekateka Iesu i aon te maunga are Oriweta, ao a nako Ina ana reirei ngke ti ngaiia, ao a kangai, “Ko na tuangiira b'a e na roko n ningai? Ao tera kanikinaean rokom ma tokin aonnaba?”

Mareko 13:4

A titirakinna ni kangai, “Tuangiira b'a a na riki baikanne n ningai? Ao tera te b'ai ae ti na ataia iai b'a e a roko te tai are a nang kakoroaki iai bukini baikanne?”

I-Ebeto 3:10

b'a e aonga ni kaotaki n te ekaretia rabakaun te Atua ae a bati arona nakoia uea ma ake a korakora i karawa,

1.Betero 1:12

E kaotaki nakoia burabeti akanne b'a a aki taekini baikai i bukiia, ma a taekin i bukimi, aika baika taekinaki ngkai nakoimi irouia ake a tuangngkami te euangkerio iroun te Tamnei are Raoiroi are kanakomaiakaki mai karawa; aika baika a kan atai naba anera.

Te Kaotioti 15:6

ao a oti nako man te Tembora anera aika itiman, ake iai i rouia b'aai ni kamamate ake itiua, ao a kunnikaiaki n te kunnikai ae itiaki ae raneanea, ao a kabaeaki b'ab'aaia ni kabae aika koora.

Te Kaotioti 19:14

Ao a iria n ri mwina taanga ni buaka ake i karawa i aoia aoti aika mainaina, ao a kunnikaiaki n te rinen ae e raoiroi ae mainaina ae itiaki.

Te Kaotioti 6:10

ao a takarua n te b'anaa ae korakora, ao a kaangai, “Te Toka ae Ko tabu ao Ko koaua, ai ti maanraa riki ao Ko a motiki taekaia aomata aika maeka i aon te aba, ma n iri taangara i bukina ngke a kamateira?”