Taniera 12:4 - Te B'aib'ara

⁴ Ao e taku nako iu, “Ao ngkai Taniera, ko na kaina te boki, ao kanikinaea b'a e na aki kaukaki ni karokoa tokin aonnaba. Ane a na m'aiti aomata aika a na kabanea aia tai ni kan atai b'aai aika a na riki.”

Taniera 12:4 ပူးပေါင်းရင်းမြစ်များ

Itaia 11:9

Akea te kabuanib'ai ae e na konaa n riki i aon ana Maunga ae e tabu te UEA. Aron te ran ngkai ae kaona taari ao ai aron naba te aba b'a e na kaonaki irouia aomata antai ae e ataa ma ni karinea te UEA.

Itaia 29:11

Ti te bo ana rongorongo ma te reta nakoimi ae e kanikinaeaki.

Itaia 30:26

Ao i mwiina, e na bauti ikoakiia ana Aomata te UEA ma ni kamaoi ikoakiia ake e bon kariki. E na oota nako ootan nam'akaina kaanga ai aron ootan taai, ao e na oota taai itiua riki rakan ootana nakon aroarona mai m'aaina. E na karina n oota n ai aron ootan itiua te bong n te tai naba arei.

Itaia 32:3

Ao ane a na bane aomata aika iai mataia ni kaurei ma n taratara, ao a na kakauongo raoi aomata akana iai taningaia.

Itaia 8:16

A na riai ni kanikinaeaki au rongorongo man anganaki au reirei.

Ieremia 5:1

Kakaaia aomata aika a raoiroi i Ierutarem aika a kataia ni kakaonimaki. Ngkana e konaa n reke i roumi temanna, ao N na kab'ara ana bure te kaawa ae e b'anin.

Taniera 10:1

Te kaotioti nakon Taniera i rarikin te karaanga are Taikiriti i nanon ana katenua n ririki ni uea Tairati i aon Bootia, ao e roko te rongorongo iroun Taniera, are arana naba Beretetiata. E koaua te rongorongo ma boni moan te kangaanga ataakin nanona. Ao e kab'araaki nakoina n te kaotioti.

Taniera 10:14

I roko ngkai b'a N na tuangko te b'ai ae e na riki nakoia am aomata n taai aika a na roko. Te kaotioti aei bon i bukin taai akana a na roko.”

Taniera 10:21

Ao i mwiin anne, e na kaoti aneran Kuriiti. Bon akea ae e na buokai b'a bon ti Kabiriera, are te anera are e teiakina Iteraera.

Taniera 11:33

A na manga tib'aa rabakauia taani kairiiri aika a wanawana nakoia raoia, ma i mwiin tabeua te tai a na manga tiringaki tabeman n te boo ni buaka, ke a na kabuokaki ni kamateaki, ao tabeman a na iraeaki ao a na karikaki b'a buure.

Taniera 11:40

“N te tai are e nang roko iai n tokina uean Tuuria, ao ane e na teirake iai uean Aikubita ni buakanna, ao e na manga teirake uean Tuuria ni kaitaraa ni buakanna ma korakorana ni kabane. E na kamanenai ana kaa ni buaka, ana aoti, ao ana kaibuke aika a bati. E na eekinakoi man taui aaba aika a bati n ai aron rokon te ieka.

Taniera 12:13

Ao ngkoe, Taniera, ko na kakaonimaki ni karokoa te toki. Ao ane ko na mate, ma ko na manga maiu n anaa kaniwangam n tokin aonnaba.”

Taniera 12:5

Ao i mwiina, I nooriia uoman anera aika a teitei i rarikin te karaanga, temanna n are te iterana, ao temanna n are te iterana.

Taniera 12:9

Ao e kaeka ni kaangai, “Ko riai n nako ngkai, Taniera, b'a a na karabaaki ma n aki kaotaki nanon taeka aikai ni karokoa rokon te toki.

Taniera 8:17

Ao e roko Kabiriera n tei i rarikiu, ao I a rangi ni maaku n te aro are I a b'aka i aontano. Ao e taku nako iu, “Natin te aomata, ko na atai nanoia. Bon taiani kaotioti i bukin tokin te aonnaba.”

Taniera 8:19

ao e taku, “Te b'ai ae I kaotia nakoim bon b'aai aika a na riki i bukin unin te Atua. E nanonaki rokon te toki n te kaotioti aei.

Taniera 8:26

Ao e na boni koro bukin te kaotioti are e a tia ni kab'araaki nakoim are i bukin te tairiki ao te moaningabong. Ma ko na aki kakaotia ngkai, i bukina b'a e na bon kiriaria te tai are e na koro bukina iai.

Mataio 24:14

Ao ane e na tataekinaki euangkerion Uean te Atua i aonnaba ni kabuta, b'a a aonga n reke aia tai ni butim'aia aomata nako; ao ngkanne ai tib'a ana tai te toki are e na roko iai.

I-Rom 10:18

Ma I taku, A tuai n ongo Iteraera? A bon tia-n ai aron taekana are kaangai: “E oti nako b'anaaia ni kabuta aonnaba ni kabane, Ao a nako aia taeka nako tabon aonnaba.”

Te Kaotioti 10:4

Ao N nang koroboki ngke a kaeka baa ake itiua, ma I a ongo naba te b'anaa mai karawa ae kaangai, “Ko na kawakin ni kanikinaei b'a a na aki kakaotaki baike a a tia n taekini baa ake itiua, ao ko na tai koroi.”

Te Kaotioti 22:10

Ao e taku nako iu, Ko na tai kanikinaei n ae a na aki kakaotaki taeka ni burabeti n te niira ni boki aei, b'a e a kaan te tai;

Te Kaotioti 5:1

Ao I nora te niira ni boki i atain Teuare tekateka i aon te kaintokanuea. Iai te koroboki i nanona ao i akuuna, ao e kanim'aki ni kanim ake kanikina aika itiua b'a e na aki uki.