Taniera 12:2 - Te B'aib'ara

² Ao ane a na m'aati aika a manga maiu aika a tia ni mate: tabeman a na kukurei n te maiu ae akea tokina, ao tabeman a na uti nakon te kamamaaeaki ae akea tokina.

Taniera 12:2 ပူးပေါင်းရင်းမြစ်များ

Taeka n Rabakau 12:8

E manena te iangoraoi n te nebonebo, ma te nanobaba bon te kamaraia nakoia aomata aika a nanobaba.

Itaia 26:19

A na manga maiu am aomata! Tuangiia b'a a na kiitan ruanimateia ao a na kukurei ni bukamaru ma n takaarua. Ko kabooua te aonnaba kaanga aoin te ingabong; ko anga te maiu nakon te mate.

Itaia 66:24

A na otinako au aomata ni kakaai rab'ataia ake a kakaitaraai. A aki konaa ni mate taian ino ikekei, ao e aki konaa n toki uran te ai, ao a na rangi n ribaaki taraan rab'ataia aomata aikai irouia aomata nako.

Ieremia 20:11

Ma bon te tautia ae e korakora Ngkoe te UEA, ae ko tei i rarikiu. Ane a na b'aka taani kakiriwe aikai ao a na mamaara a na rangi ni b'arananoia, ao e na akea tokin mamaaia.

Etekiera 37:12

Ma ngaia ae ko na tuangiia ni kaangai, “I berita Ngai ae te UEA ae te Atua, b'a N na kauki taian ruanimate ma ni kainaomataingkami. N na manga kaokingkami nako Iteraera,

Otea 13:14

E bon riai Irou Ngai ae te UEA b'a N na kamaiungkami man te mate ma te ruanimate? I aki! I wetea te mate ma te ruanimate b'a e na oreingkami kaanga rokon te kai. I rawa ni kaota te nanoanga.

Mataio 25:46

Ao e taku Iesu, “Ane a na bane n nako nakon reken te kai are aki toki. Ma ake a raoiroi a na nako nakon te maiu are aki toki.”

M'akuri 24:15

Boni iai ae I kaantaningaia mairoun te Atua, ae a kaantaningaia naba: b'a iai te manga-maiu irouia aomata aika raoiroi ma aika buakaka aika tia ni mate.

M'akuri 7:60

Ao e katorobubua, ao e taetae n te b'anaa ae korakora ni kaangai, “Te UEA, kab'ara aia bure n te b'ai ae a tia ni karaoia.” Ngke e a tia n atonga aei, ao e matu.

I-Rom 9:21

Akea ana riai te tia karaoi b'aai man te bokaboka b'a e na karaoa te boora ae katamaroaaki ma te boora ae akea katamaroaana man ti teuana te b'ariko ni bokaboka?

1.I-Tetaronike 4:14

B'a ngkana ti kakoaua b'a E mate Iesu ao E a manga uti, ao ti boni kakoaua naba b'a te Atua E na kairiia b'a raon Iesu te koraki ni kabaneia ake a tia ni mate ake a onimakina Iesu.

Te Kaotioti 20:12

Ao I nooriia maate, ake te koraki ake a kakannato ma ake a mangori, b'a a tei i nanoaan te kaintokanuea; ao a kaukaki niira ni boki. E kaukaki naba te niira ni boki teuana, ae bokin te maiu. Ao a motikaki taekaia maate ni kaeti ma baike a tia ni karaoi, n ai aron taekaia ake a koreaki n taian niira ni boki akekei.