Taniera 12:13 - Te B'aib'ara

¹³ Ao ngkoe, Taniera, ko na kakaonimaki ni karokoa te toki. Ao ane ko na mate, ma ko na manga maiu n anaa kaniwangam n tokin aonnaba.”

Taniera 12:13 ပူးပေါင်းရင်းမြစ်များ

Taian Areru 1:5

Ma ngaia are, a na kabuakakaaki iroun te Atua ao a na kaokoroaki mai buakoia ana Aomata te Atua.

Taian Areru 16:5

Bon te UEA ngkoe, ae au b'ai ni kabane! ao ko anganai b'aai ni kabane aika i kainanoi; e bon mena arou i bukin taai aika ana roko i nanon baim

Taian Areru 16:9

Ao I rangi ni kakaaitau ma ni kukurei, b'a I rangi ni mano raoi,

Te Otinako 33:14

E taku te UEA, “N na iringkami ma n anganingkami te rau.”

Taniera 12:3

Ane a na oota taani kairiiri n ai aron ootan karawa. Ao koraki ake a tia n reireiniia aomata karaoan te raoiroi; a na oota n ai aroia itoi n aki toki.”

Taniera 12:4

Ao e taku nako iu, “Ao ngkai Taniera, ko na kaina te boki, ao kanikinaea b'a e na aki kaukaki ni karokoa tokin aonnaba. Ane a na m'aiti aomata aika a na kabanea aia tai ni kan atai b'aai aika a na riki.”

Tekaria 3:7

N na karikiko b'a te tia tararuaa te tembora, n reitaki ma katawanangin te tembora are e katobibia ngkana ko ongotaeka raoi irou, ao ko na kariaiakaki n taetae n taai n aki akaaka ma te anera ae e tei i rarikiu.

Mataio 19:28

E taku Iesu nako ia: E koaua ae I a tuangngkami, b'a ngkana E tekateka Natin te Aomata i aon ana kaintokanuea are tamaroa, n te aonnaba ae boou ao ngkami, aika kam irirai, ane kam na tekateka naba i aoni kaintokanuea aika tebwi ma uoua, n tautaekaniia aia baronga Iteraera ake tengauni ma ua baronga.

Ruka 21:36

Ma kam na tantani n taai nako ao tataro b'a e aonga n reke i roumi te marurung are kam na kona iai ni biri nako mani baika nang roko, ao te kona n tei i matan Natin te Aomata.

2.I-Korinto 5:1

B'a ti ataia b'a ngkana e uruaki te um'a n rianna ae i aon te aba ae nera ni maeka, ao bon iai te auti mairoun te Atua, ae te nne ni maeka ae aki karaoaki ni baiia aomata, ae te auti ae aki kona n uruaki, are i karawa.

2.I-Tetaronike 1:7

ao E na anganingkami, ngkami akana kam karawawataki, kabebeteami ma ngaira, ngkana E kaoti ara Uea are Iesu mai karawa ma ana anera aika m'aaka,

Te Kaotioti 14:13

Ao I ongo te b'ana mai karawa b'a e kaangai, “Ko na korea ae kaangai, A a kab'aia maate akana mate ma ngkai, n aki raure ma aia Uea.” E taku te Tamnei, “Bon te koaua, b'a a na motirawa man aia m'akuri ae korakora; b'a a airi taekan aia m'akuri ma ngaiia.”