Taniera 12:12 - Te B'aib'ara

¹² A na kab'aia akana a teimatoa ni kakaonimaki ni karokoa banen 1,335 te bong.

Taniera 12:12 ပူးပေါင်းရင်းမြစ်များ

Itaia 30:18

E tataninga te UEA ae te Atua ni kaota m'aitin ana akoi ao n nanoangaingkami. E aki toki te UEA ni kaakaraoa ae e raoiroi; e kakab'aiaia akana a onimakinna.

Etekiera 4:6

I mwiina, ko na manga rairaki ni wene i aon iteram ane te atai i nanon abwi riki te bong. E na riki b'a kanikinaean katuaaean Iuta, teuana te bong i bukin teuana te ririki ni karawaawataaki.

Taniera 8:14

Ao I ongo aia kaeka anera ake tabeman ae e kaangai, “E na reitinako te aki angakarea ni karokoa uoua tengaa tenibubua te moaningabong ao te tairiki. Ao i mwiina, e a tib'a okira arona te Tembora.”

I-Rom 11:15

B'a ngkana e riki kaakan taekaia b'a aroia aomata nako n riki b'a raoraon te Atua, ao tera ngkanne aroia ngkana a manga butim'aeaki? Kaanga ai aroia maate ake a manga uti.

Te Kaotioti 11:2

Ao ko na katuka te ru are i tinanikun te tabo are tabu n te Tembora n aki baireia, i bukina b'a e katukaki i bukiia botannaomata ake a na toutoubeka aon te kaawa are tabu abwi ma uoua te nam'akaina.

Te Kaotioti 12:6

Ao e biri nako te aine arei nakon te rereua, nakon te tabo are E katauraoia te Atua i bukina, ike e na tararuaki iai i nanon tengaa ao uabubua ao onongaun te bong.

Te Kaotioti 13:5

Ao e anganaki te man arei te kona n atongi taeka ni kainikatonga ma taeka ni bakanatua; ao e anganaki te m'aaka ni karaoa ae e kani karaoia abwi ma uoua te nam'akaina.

Te Kaotioti 20:4

Ao I noori kaintokanuea ma ake a tekateka i aoia b'a a anganaki te kona ni motiki taeka: bon aomataia ni koaua te koraki ake a tia ni mate ngke a kabakuaki i bukin tataekinan te koaua are E kaotiotia Iesu, ao i bukin tataekinan ana taeka te Atua. A aki taromauria te man are tiritiri, ao a aki taromauria naba te bouananti are katotongana; a aki kanikinaeaki ram'aia ma baiia n ana kanikina te man arei; ao a maiu, ma n uea ma te Kristo tengaa te ririki.