Taniera 11:40 - Te B'aib'ara

⁴⁰ “N te tai are e nang roko iai n tokina uean Tuuria, ao ane e na teirake iai uean Aikubita ni buakanna, ao e na manga teirake uean Tuuria ni kaitaraa ni buakanna ma korakorana ni kabane. E na kamanenai ana kaa ni buaka, ana aoti, ao ana kaibuke aika a bati. E na eekinakoi man taui aaba aika a bati n ai aron rokon te ieka.

Taniera 11:40 ပူးပေါင်းရင်းမြစ်များ

Itaia 21:1

Aio rongorongon te rereua are i rarikin taari: A na buaka kairiribai man aia botannaomata kairiribai kaanga te ukeukenanti man Rereuan Maiaki.

Itaia 5:28

A kakang aia kanoanikatebe, ao a tauraoi aia kainikatebe. E matoatoa waen aia aoti kaanga atibu aika matoatoa, ao e mino m'aaka wiiran aia kaanibuaka kaanga te kiikannang.

Itaia 66:15

E na ruorikaaki te UEA kaanga te ukeukenanti ao a na kaanibuaka aika taian ai. E na rangi n un ao ni katuaaia ana kairiribai n te ai.

Ieremia 4:13

Nooria! e kiba rikaaki kaanga te ikare ana taanga ni buaka te kairiribai; a rangi ni biri m'aaka riki aia taan toka i aoia aoti ao aia kaanibuaka nakon te nang ni buakan karawa ae e ukaki n te ang.” Ao ane ko na kaeka ni kaangai, “Ti a mate!”

Etekiera 38:4

ao N na kamamaarako! N na kaaki i wiim te matau ao N na uaakiniko ngkoe ma am taanga ni buaka are e korakora. Ko kaira te taanga ni buaka are a toka i aoia aoti aika a b'ain kunnikai ni buaka aika a rawawata ao a uoti taian otanga ao taiani kabaang.

Etekiera 38:9

Ma ko na buakaniia ma am taanga ni buaka kaanga buakanikarawa ma ni katobibia kaanga te nang.

Taniera 11:10

A katauraoi nakon te buaka natiia uean Tuuria m'aane, ao a boota aia taanga ni buaka ae e korakora. Teuana mai buakona e na oro ni kaitiaki n ai aron te ieka ma ni buakana aia nono.

Taniera 11:11

E na rangi n un uean Aikubita, ao e na nako ni buakana uean Tuuria, ma ni kataenikaia ana taanga ni buaka are e korakora.

Taniera 11:13

“E na manga nako n oki uean Tuuria, ao e na botiia ana tautia aika a m'aiti riki nakon are mai m'aaina. Ao ngkana e roko raoi taina, ao e na oki ma ana taanga ni buaka ae e korakora, aika a toamau aia b'ai ni buaka.

Taniera 11:22

Ngkana iai ane e kakaitaraa, e ngae ngkana ana ibonga te Atua ae e rietaata, e na boni karenakoaki naba ma ni kamaunaaki.

Taniera 11:25

“E na kateirakea ana taanga ni buaka ae e korakora ni buakana uean Aikubita. Ao uean Aikubita e na kaaitaraa n ana taanga ni buaka naba are e korakora, ma e na konaaki uean Aikubita i bukin ana m'akuri ni kam'ane uean Tuuria.

Taniera 11:35

A na mate tabeman mai buakoia taani kairiiri ake a wanawana, ma n tokina, ao a na boni itiaki aomata. E na waaki nako te aro anne ni karokoa rokon te toki, are te tai are e a tia ni baaireia te Atua.

Taniera 11:39

Ao e na kamanenaia ianena ake a tataromauri anti aika a kakaokoro b'a a aonga ni kawakinaki ana nono ni kabane. Ao e na anga te karineaki ae e korakora nakoia ake a kariaia b'a aia tia tautaeka i aon te aba arei, e na karekei nakoaia aika a kakannato n te tautaeka, ao e na anganiia aaba ake e a tia n taui b'a kaniwangaia i bukin aia kakaonimaki i rouna.

Taniera 11:7

N te tai ae e aki maan, ao e na manga uea temanna ma i buakoia ana koraki. E na buakana ana taanga ni buaka uean Tuuria, ma n ninia aia nono, ao ni kataenikaia.

Taniera 12:4

Ao e taku nako iu, “Ao ngkai Taniera, ko na kaina te boki, ao kanikinaea b'a e na aki kaukaki ni karokoa tokin aonnaba. Ane a na m'aiti aomata aika a na kabanea aia tai ni kan atai b'aai aika a na riki.”

Taniera 12:9

Ao e kaeka ni kaangai, “Ko riai n nako ngkai, Taniera, b'a a na karabaaki ma n aki kaotaki nanon taeka aikai ni karokoa rokon te toki.

Taniera 8:17

Ao e roko Kabiriera n tei i rarikiu, ao I a rangi ni maaku n te aro are I a b'aka i aontano. Ao e taku nako iu, “Natin te aomata, ko na atai nanoia. Bon taiani kaotioti i bukin tokin te aonnaba.”

Ab'akuka 3:14

Ko ewara te mataniwi n te taanga ni buaka ni kanoan am kainikatebe Ngkana e roko ni kamaenakoira n ai aron rokon te ang ae korakora, ni kamoamoa n ai aroia ake a karabaia ni karawawataia aika kainano.

Tekaria 9:14

E na kaoti te UEA ae te Atua nakoia Ana aomata kaanga te nang, ao E na iti n oota Ana kanoanikatebe kaanga te iti. E na katanga ana buu te Atua ma ni buaka n te ukeukenanti mai maiaki.

Te Kaotioti 16:12

Ao te anera are te kaonoman e kab'aroa kanoan ana boora i nanon te karaanga are ab'ab'aki are te Iuberetiti; ao e oora n akea ranna, b'a e aonga ni katauraoaki kawaia uea ake mai mainiku.

Te Kaotioti 9:16

Ao I ongo b'a m'aitiia taani buaka ake a toka i aoia aoti bon uabubua te mirion.