Taniera 11:4 - Te B'aib'ara

⁴ Ma e na uruaki ana tautaeka i bukin korakoran m'aakana, ao e na tib'aaki nakon aua te m'akoro. A na uea n onea mwiina n tautaeka n te bareti uea aika tiaki kanoana, ma a na bon aki roota aron korakorana.

Taniera 11:4 ပူးပေါင်းရင်းမြစ်များ

Taian Areru 39:6

kaanga ai aron te nuu. Baika a karaoi, bon akea nanona; e na kaikoi kaub'aina, ao n aki ataia b'a antai ae e na b'ain i mwiina.

Te Minita 4:8

N aron aei, iai tabeman aomata aika akea raoraoia ke aia utu. Ma a bon aki konaa n rauaki ni b'aai ake a b'ain, ao a aki konaa n toki aia m'akuri i bukin karekean riki tabeua. A riai n titirakiniia i bon irouia ni kaangai, “E aera ngkai e aki konaa n toki au m'akuri i bukin karekean riki au b'ai? Antai ae e na b'ain ngkana I kiitan?” Bon te iango ae akea nanona, ao te maiu ae e karawaawata!

Ieremia 12:15

Ma N na manga nanoangaiia botannaomata aikai n te tai teuana ma ni manga kaokiia nako oin abaia nako.

Ieremia 12:17

Ma ngkana a aki kan ongo i Rou, N na koutiia nako man abaia ma n tiringiia ni kabane. Bon aio au taeka Ngai ae te UEA.

Ieremia 18:7

Ngkana I karawawataa te botannaomata ae e buakaka ni koutiia nako ma ni kamaaenikunna,

Ieremia 31:40

E na katabuaki naba te M'arua are Innom are e rangi n ribaaki b'a e na riki b'a Au b'ai, ao ai uana naba ma taiani karaabee ake i mainiku ake a ruorikaaki nakon te Mataroa are Aoti nako nanon te M'arua are Kiteron. E na aki manga oki n uruakaki Ierutarem.

Ieremia 45:4

Ma I urui ni kab'akai b'aai nako aika I katei ma n taeki aika I uniki ni kabutaa te aonnaba.

Ieremia 49:36

A na buaka kairiribai man taabo nako, ao kam na kairaki nako b'a taenikai nako ia botannaomatan te aonnaba.

Etekiera 37:9

Ao i mwiina, E taku te UEA: Etekiera, ko na kaangai ngkai nakon te ang, “E tuangko te UEA b'a ko na uki man taabo nako ao ko na uka te ikeike ni maiu nakon taian rab'ata aika a mate aikai, b'a aonga ni manga maiu.”

Taniera 7:2

te b'ai are I nooria n te tairiki anne: E kare te ang n akea unna, ao e kabuakaa nanoni marawa.

Taniera 7:6

Ao ngke I tabe ni mataku, ao e a manga kaoti te man temanna, ae kaanga ai aron taraan te reb'ari, ma iai aua baina ni kiba i aon akuuna, aika kaanga bain te mannikiba, ao iai aua atuuna, ao e anganaki te m'aaka n tautaeka.

Taniera 7:8

Ao ngke I tabe ni matakuakini taiani koro ao I noora te koro teaina ae e uarereke ae e kaoti i rarikin ake tabeai. Ao e kouti tennai taiani koro mai buakon ake a kamani mena i m'aaina. Iai matan te koro aei kaanga te aomata, ao iai naba wiina ae e rangi n taetae ni kamoamoa.

Taniera 8:22

Ao kooro ake aua ake a kaoti i mwiin b'akan te moani koro bon rab'atan tautaeka ake aua ake a na tib'aaki nako iai te botannaomata arei, ao e na aki roko ni korakoran te moan tautaeka.

Taniera 8:8

Ao e rikirake ni kamoamoa te kooti arei, ao e a uruaki korona i bukini korakoran m'aakana. Ao a manga kaoti aua te koro aika a teretere raoi n onea mwiina, ao a kotoi taabo aika a kakaokoro n tatabeua nako.

Tekaria 2:6

E taku te UEA nakoia ana aomata, “Biiri! Biri nako man te aba are i meaang, ike I kamaaenakoingkami iai nakon taian ang ake aua.

Tekaria 6:5

Ao e a kab'arab'ara ni kaangai, “Bon aang aika aua mai karawa, ao ngkai a nang oti nako, i mwiin rokoia nakon UEAN aonnaba ni kabane.

Mataio 12:25

E atai aia iango Iesu, ma ngaia are E taku nako ia, “Te tautaeka ae bwenaua nakoni m'akoro aika kakaokoro aika a ekianako i bon i rouia, e na bon aki tei maan; ao akea te kawa ke te utu ae koroutuaki ae na aki bwenaua.

Ruka 12:20

Ma E taku te Atua nako ina, “Te nanobaba! N te tairiki aei, ao e na anaaki maium mai roum; ao b'aai akana ko a tia ni katauraoi, antai ae na b'aini?”

Te Kaotioti 7:1

Ao i mwin arei ao I noriia anera aika aman b'a a tei ni maninganingan aonnaba, ake maninganingana ake aua, ao a tau angin aonnaba, ake aang ake aua, b'a e na aki uki te ang i aonnaba, ao i marawa, ao e na aki uka te kai tekaina n neakinna.