Taniera 11:37 - Te B'aib'ara

³⁷ E na aki onimakina te anti ake a onimakinna ana bakatibu, ao te anti naba are a tangiria aine. E na aki onimakinii anti ni kabane, i bukina b'a e iangoia i boni i rouna b'a e na m'aaka riki nakoia ni kabane.

Taniera 11:37 ပူးပေါင်းရင်းမြစ်များ

Karikani B'aai 3:16

Ao E a manga taku nakon neierei, “N na kabatiai am kaangaanga n am tai ni bikoukou, ao te maraki n am tai ni bungiia natim. Ao ane e na aki tootoki nanom iroun teuane buum, ao e na taua taekam.”

Karikani B'aai 3:5

b'a E ataia te Atua b'a ngkana kam kanna, ao kam na riki n ai arona, ao kam na ataa iai te raoiroi ma te buakaka; ao bon anne bukina are E katabua iai kanakina i roumi.”

Ana Anene Toromon 7:10

Raou ae e tangiraki, am b'ai ngai, ao ko b'aruai.

Itaia 14:13

Ko taku i bon iroum, “N na tam'arakea karawa ni kaaki au kaintokanuea iai i etan taian itoi. N na tekateka ikekei ma taian anti ake a raroa nako i meang.

Itaia 14:14

N na mena i aon taian nang, n aron te Atua ae Moan te Rietaata.”

Etekiera 24:16

“Etekiera ae natin te aomata, N na anaa maiun te aomata ae ko rangi n tangiria n te tai ae e waekoa. Ma I aki tangiriko b'a ko na ngurengure ke n tang.

Etekiera 28:2

Etekiera ae natin te aomata, ko na tuanga uean Turo au taeka ae e kaangai: Ko rangi ni kainikatonga b'a ko iangoia b'a te atua ngkoe ao am kaintokanuea te kaawa ae Turo. Ane ko na taekinna b'a te atua ngkoe, ngke bon te aomata ngkoe.

Taniera 11:36

“E na karaoa are e bon tangiria uean Tuuria. E na kamoamoa i bon i rouna n iangoia b'a e korakora riki nakoia anti ni kabane, ao nakon te Atua ae e Moan te M'aaka. E na teimatoa ni karaoa aei ni karokoa are e na katuaaeaki iai iroun te Atua. E na boni karaoa are e a tia ni baaireia te Atua.

Taniera 11:38

Ma e na onimakina te anti are e kakawakini taian nono. E na anga te koora ma te tirewa, ma atiibu aika a kakawaki, ao b'aai n tangira riki tabeua aika a kakawaki nakon te anti are a aki tataromauria ana bakatibu.

Taniera 8:11

Ao bon akea naba karinean mataniwiin te taanga ni buaka mai karawa i rouna, e katoka te angakarea are e katoa bong nakon te Atua, ao e uruaka te Tembora.

Te Tua-Kaua 21:11

Ao ngkana arona b'a e botonaine temanna mai buakoia ami bure, ao ane ko na tangiria n iein ma ngaia. Ma te moani b'ai, ko na uotia moa nakon am auti, ao ko na koromaraia, ma ni koroi naba ukin baina, ma ni kanakoi kunnikaina ake mai abana, ma ni karin i aona kunnikain Iteraera, ao i mwiina, e na tang i bukiia tamana ao tinana, ao i mwiina ko a tib'a kona ni mare ma ngaia.

Te Tua-Kaua 5:21

Kam na tai mataiakina aia b'ai tabem'aang. Kam na aki tataana buun temanna, ke nimataaiakina aia auti, abaia, aia toro, aia kao, aia aati, ke aia b'ai riki tabeua.

2.I-Tetaronike 2:4

E na ekianako akana atongaki b'a atua ni kabaneia ma baika taromauriaki, ao e na rin n tekateka n um'antabun te Atua ma n taetae ni kaotia b'a aongkoa te Atua ngaia.

1.Timoteo 4:3

a tuangiia aomata b'a a na tai iein, ao a na tai kang am'arake nako, aika E kariki te Atua b'a a na kakanaki ma te katituaraoi irouia aika onimaki ma n ata te koaua.