Taniera 11:35 - Te B'aib'ara

³⁵ A na mate tabeman mai buakoia taani kairiiri ake a wanawana, ma n tokina, ao a na boni itiaki aomata. E na waaki nako te aro anne ni karokoa rokon te toki, are te tai are e a tia ni baaireia te Atua.

Taniera 11:35 ပူးပေါင်းရင်းမြစ်များ

2.Rongorongo 32:31

E ngae ngke a kanakoia aia taan uarongorongo taan kairiiri mai B'aburon b'a a na titirakina Etekia ana kanikina te UEA are e anganna, ao te Atua, e kariaia Etekia b'a e na anga are bon ana reke b'a e na tuoa ao n noora ana kakaonimaki.

Taeka n Rabakau 17:3

E tuoaki te koora ma te tirewa n te ai ao a tuoaki nanora iroun te UEA.

Itaia 27:9

Bon ti teuana te kawai ae e konaa iai ni kab'araaki iai ni kabane ana bure Iteraera: a riai ni kamaaenikuni atiibu nako ake aia baonikarea beekan ao aia tabo n taromauri.

Taniera 11:27

Ao i mwiina, ana kaai n tekateka n am'arake n te taibora ae ti teuana, ma a na ikam'aam'ane i boni i marenaia, ao a na keweia i boni irouia. Bon akea temanna mairouia ae e na koro bukin ana iango i bukina b'a e a tia te Atua ni bairei tokin maiuia.

Taniera 11:29

Ao rimwi riki, e na buakana Aikubita, ma n te tai aei ngkanne a nang bitaki b'aai ni kabane.

Taniera 11:33

A na manga tib'aa rabakauia taani kairiiri aika a wanawana nakoia raoia, ma i mwiin tabeua te tai a na manga tiringaki tabeman n te boo ni buaka, ke a na kabuokaki ni kamateaki, ao tabeman a na iraeaki ao a na karikaki b'a buure.

Taniera 11:40

“N te tai are e nang roko iai n tokina uean Tuuria, ao ane e na teirake iai uean Aikubita ni buakanna, ao e na manga teirake uean Tuuria ni kaitaraa ni buakanna ma korakorana ni kabane. E na kamanenai ana kaa ni buaka, ana aoti, ao ana kaibuke aika a bati. E na eekinakoi man taui aaba aika a bati n ai aron rokon te ieka.

Taniera 12:3

Ane a na oota taani kairiiri n ai aron ootan karawa. Ao koraki ake a tia n reireiniia aomata karaoan te raoiroi; a na oota n ai aroia itoi n aki toki.”

Taniera 12:4

Ao e taku nako iu, “Ao ngkai Taniera, ko na kaina te boki, ao kanikinaea b'a e na aki kaukaki ni karokoa tokin aonnaba. Ane a na m'aiti aomata aika a na kabanea aia tai ni kan atai b'aai aika a na riki.”

Taniera 8:10

E boni korakora n te aro are e kona ni kaaitaraa te taanga ni buaka mai karawa, ma taiani itoi, ao e kab'akaia tabem'aang nako aontano ao e toubekaia.

Taniera 8:17

Ao e roko Kabiriera n tei i rarikiu, ao I a rangi ni maaku n te aro are I a b'aka i aontano. Ao e taku nako iu, “Natin te aomata, ko na atai nanoia. Bon taiani kaotioti i bukin tokin te aonnaba.”

Taniera 8:19

ao e taku, “Te b'ai ae I kaotia nakoim bon b'aai aika a na riki i bukin unin te Atua. E nanonaki rokon te toki n te kaotioti aei.

Taniera 9:27

E na karaoa ana boraraoi te tia tautaeka ma aomata aika a m'aiti i nanon itiua te ririki, ao ngkana e a kaania banen iteran te tai, ao e na katoki taian angakarea ma taian angab'ai. E na katokaaki te b'ai are moan te kakamaaku i taubukin te Tembora, ao e na tiku ikekei n aron are e a tia ni baaireia te Atua i bukina.

Ab'akuka 2:3

Korobokiia b'a a tuai n roko tain taeka aikai, ma ana bon waekoa ni koro nanoia, ao baika I tuangko ana bane ni koro bukiia. E taraa ni kiriaria, ma tataninga b'a ana bon roko baikai, ao ana bon aki taonaki taiia.

Tekaria 13:9

Ao i mwiina, N na kaitiakia ma ni karaoia b'a a na kataaki, kaanga te koora ma te tirewa ngkana a kaitiakaki ma n tuoaki. Ane a na tataro n arau, ao N na kaekaia. N na kaangai, “Au aomata ngkami,” ao a na kaeka ni kaangai, “Bon te UEA Ngkoe ae Atuara!”

Mataio 16:17

Ao E kaekaa Iesu ni kangai, “Ko a kab'aia, Timon ae natin Iona! B'a tiaki te aomata ae kaota aei nako im, ma E kaotia Tamau are i karawa.

Mataio 26:56

Ma a riki baikai b'a a na kakoauaki aia koroboki burabeti.” Ao a bane ana reirei ni kitanna, ao a biri nako.

Ioane 15:2

Te m'aanga ae nim ma Ngai ae e aki uaa, ao E kanakoa; ao te m'aanga ae uaa, E kaitiakia, b'a e aonga ni kariki uaana aika m'aiti.

Ioane 20:25

Ma ngaia are, a taku nakoina reirei akekei, “Ti a tia n nora te Uea!” Ma e taku Toma nakoia, “Ngkana I aki noori mwin neera i baina, ao I aki karina tabonibaiu i nanoni mwin neera, ao ngkana I aki karina baiu i nanon rarikina, ao I bon aki kona ni kakoauaingkami.”

M'akuri 13:13

A borau ngkanne B'auro ma raona mai Babo, ao a roko i Bereke are i Bamburia; e kitaniia Ioane ikekei, ao e okira Ierutarem.

Te Tua-Kaua 8:16

Ao E anganingkami naba te maana, te aekaki n am'arake ae a tuai ma ongongo taekana ami bakatibu. E kataingkami te UEA b'a kam aonga n onimakinna, b'a E aonga ni karaoa ae raoiroi nakoimi rimwi.

Iakobo 1:2

Tariu, kam na kim'areirei ngkana kam kaitara ma taiani kariri nako,

Te Kaotioti 14:15

Ao e oti nako te anera temanna man te Tembora, ao e taetae n te b'anaa ae korakora nakon Teuare tekateka i aon te nang, ao e kaangai, “Ko na karina am biti i buakon uita, ao koroi, b'a e a roko tain te koro uita; a tawaa raoi uaa i aon te aba, ao e a roko aia tai n taiaki.”

Te Kaotioti 17:17

B'a E a tia te Atua ni kaaki i nanoia te kani karaoa ana kaantaninga n te nano ae ti teuana, ao n aroia n anga m'aakaia n tautaeka nakon te man arei, ni karokoa ae a kakoroaki raoi nanon ana taeka te Atua ake a tia n taekinaki.

Te Kaotioti 2:10

Ko na tai makui baika ko nangi maraki iai; noria, ane e nang kaakiia tabem'aang i buakomi te riaboro i nanon te karabuuti, b'a kam aonga ni kataaki iai, ao tengaun ami bong ni maraki iai. Ko na kakaonimaki ni karokoa matem, ao N na anganiko te bau are te maiu.

Te Kaotioti 7:14

Ao I taku nakoina, “Teuae ko karineaki i rou, ko bon ataiia.” Ao e kaangai nako iu, “Aomata aikai ake a butaki nako mai aan te rawawata are korakora, ao a teboki aia kunnikai ake a m'am'arai ao a kamainainai n raraan te Tiibuteteei.