Taniera 11:34 - Te B'aib'ara

³⁴ Ngke e bon tabe ni waaki nako te tiritiri, ao e reke buokaia teutana ana Aomata te Atua, e ngae ngkana a m'aiti i buakoia ake a iriia i bukin iangoaia i bon irouia.

Taniera 11:34 ပူးပေါင်းရင်းမြစ်များ

Taniera 11:21

Ao e boni waaki nako naba te anera ni kab'ara nanon te kaotioti: Uean Tuuria ane te kauoman bon te aomata ae e rangi ni buakaka ae bon akea riaina b'a e na uea, ma e na reke m'aakana n te aro ae e aki kaantaningaki man ana m'akuri ni mamanibuaka.

Taniera 11:32

Ao e na anai nanoia koraki ake a tia ni kitana te aro ni Iutaia, ma a na kaaitaraaki ni buakanaki irouia ake a teimatoa n aki kitana te Atua.

Mataio 7:15

Kam na kawakiningkami mairouia burabeti ni kewe, akana nako imi ni bakaaea te nimamannei kaanga ai aroia tiibu, ma bon aroia kameanti aika tiritiri ni koaua uakekei.

I-Rom 16:18

B'a a aki toro iroun ara UEA are Kristo aomata aika aroia akanne, ma a m'akuri i bukini birotoia. A bureburei nanoia aomata aika a kai rairaki aia iango n aia taeka aika kareke nano ao n aia taeka ni karang.

I-Karatia 2:4

E riki aei i bukiia taari ni kewe ake a karinaki ni karabaaki i buakora b'a a na taratarai aroni inaomatara are reke iroura n reitakira ma Kristo Iesu. A tangiria b'a a na tau-toronira,

2.Timoteo 4:3

B'a ane e na roko te tai ae a na rawa aomata iai n ongo te reirei ni koaua, ao a na iri nanoia ni kaib'ab'aru, ma ni karekeia aia tia reirei ni kabatiaia aika a na tuangaki i rouia baika a ingainga nanoia iai ni kan ongora.

Tito 1:11

E riai b'a a na kainaki wiia te koraki aei, aika aomata aika kabane kaain utu nako n aki karauia n aia reirei aika aki riai n anga; ma a anga i bukin te kani b'aib'ai n te aro ae aki riai.

1.Ioane 4:1

Ngkami aika kam tangiraki, kam na tai iri nanoia tamnei ni kabaneia, ma kam na neneri aroia ni kakoauai b'a tao mairoun te Atua ke tiaki: b'a a bati burabeti ni kewe aika a tia ni waki n aia m'akuri i aonnaba, ao ae a boni waki naba ngkai.

1.Ioane 4:5

Boni man te aonnaba ae bubure te koraki arei; ma ngaia ae a taekini b'ain te aonnaba ae bubure, ao a ongo kaaina i rouia.

2.Ioane 1:7

B'a a bati taani m'am'ana te aba ake a tia ni waki n aia m'akuri i aonnaba, ake a aki kakoaua Iesu Kristo b'a E roko n rab'ata. Te aomata ae arona aei boni ngaia te tia m'am'ana te aba ao ana kairiribai Kristo.

Iuta 1:4

B'a a karabaia n rin n te ekaretia aomata tabem'aang aika kaburea taekinan ana akoi te Atua b'a a aonga n reke aonaia iai n aroia n tam'are, ao a kakeaa te Toka are ti temanna are ara Uea, are Iesu Kristo. A kaman taekinaki te koraki aei ngkoangkoa b'a a na motikaki taekaia ni kabuakakaki i bukin aroia aei.

Te Kaotioti 12:13

Ao te rakon, ngke e ataia b'a e a tia n teweaki nako aon te aba, ao e nako ni kakioa te aine are bungia natina are te mm'aane.

Te Kaotioti 2:20

Ma iai te b'ai ae N na waeiko iai: b'a ko aki tuka te aine are Ietebera, are taku b'a te burabeti ngaia; ao e reireiia ni burebureia au toro b'a a na wene ni bure, ma ni kang kareani bouananti;