Taniera 11:31 - Te B'aib'ara

³¹ A na kam'araaea te Tembora ana tautia tabeman. A na katoka te angakarea are e katoa bong, ao a na katea te b'ai are moan te kakamaaku.

Taniera 11:31 ပူးပေါင်းရင်းမြစ်များ

Ieremia 19:4

A a toki kaain Iuta man taromauriau ao a karika te m'arua aei b'a te tabo i bukin taromaurian B'aara ao anti tabem'aang aika a bon tuai man buokiia ke ni buokiia aia bakatibu ke aia uea.

Ieremia 7:30

Kam a tia n aki ongotaeka i Rou ngke kam karin taiani bouannanti aika a rangi n ribaaki i nanon au Tembora, ao ngkai e a rangi n ribaaki te Tembora i Rou.

B'aeb'aeti 1:10

E a tia te UEA n tabuia ianena b'a a na aki rin n te Tembora, ma a bon noriia aia kairiribai ngke a rin iai. A rin ni iraei kaub'ain te Tembora.

B'aeb'aeti 2:7

E rangi n ribaa ana baonikarea te UEA, ao e kamaunaa ana Tembora are e tabu; E kariaia rokoia kairiribai ni kamaenikuna oon te Tembora. A tatakarua i nanon te Tembora are ti tataromauri iai kairiribai ni kaota aia tokanikai.

Etekiera 9:7

Ao E taku te UEA, “Kabuakaka te Tembora ni kab'arikoi taiani mate i nanon katawanangin te Tembora. Waakina ami m'akuri!” Ao a m'ananga nako n tiringiia Iteraera.

Taniera 12:11

Ngkana e a katokaki te angakarea are e katoa bong, ao e a kateaki te b'ai ae moan te kakamaaku, ao e na riai n tia ni bane 1,290 te bong.

Taniera 8:24

E na rikirake ni korakora, ma tiaki man oini korakorana. E na karaoa te urub'ai ae e kakamaaku, ao a kookoro bukin b'aai ake e karaoi. E na kamaunaiia aomata aika a korakora ma ake bon oin ana Aomata te Atua.

Taniera 8:26

Ao e na boni koro bukin te kaotioti are e a tia ni kab'araaki nakoim are i bukin te tairiki ao te moaningabong. Ma ko na aki kakaotia ngkai, i bukina b'a e na bon kiriaria te tai are e na koro bukina iai.

Taniera 9:27

E na karaoa ana boraraoi te tia tautaeka ma aomata aika a m'aiti i nanon itiua te ririki, ao ngkana e a kaania banen iteran te tai, ao e na katoki taian angakarea ma taian angab'ai. E na katokaaki te b'ai are moan te kakamaaku i taubukin te Tembora, ao e na tiku ikekei n aron are e a tia ni baaireia te Atua i bukina.

Otea 3:4

E na bon maan naba te tai i m'aain reken uean Iteraera ke i m'aain are e anga te aba iai taiani karea i nanon te tembora ke i m'aain are a reke taian kawai are ti na kairaki iai iroun te Atua.

Mataio 24:15

Ma ngaia aei, ngkana kam nora te baere kakamaaku are e taekinna Taniera are te burabeti, b'a e tei n te tabo are tabu n te um'antabu (ke e ataia te tia wareware),

Mareko 13:14

“Ngkana kam nora te ‘Baere Kakamaaku’ b'a e tei n te tabo are e riai n aki mena iai.” Ke e ataia ane wareware b'a e na ota raoi n nanon aei! “Ao akana mena i Iutaia n te tai arei, ke a biri nako nakoni maunga.

Ruka 21:20

Ma ngaia ae ngkana kam nora Ierutarem b'a e otab'aniniaki irouia taanga ni buaka, ao kam na ataia ngkanne b'a e a kaan uruana.

Te Kaotioti 17:12

“Ao kooro ake tengaun, ake ko noori, bon ueea aika tengaun, aika tuai n reke ueaia; ma a anganaki te m'aaka n tautaeka ngkai kanga ueea, ti teuana te aoa, ni buoka ana tautaeka te man arei.