Taniera 11:28 - Te B'aib'ara

²⁸ Ao i mwiina, buakanakin Aikubita ao e a oki rikaaki ma taiani b'ai ni kuri ake a reke i rouna n te buaka. Ao e buakaka Ierutarem ma ni kamaunaan aia aaro ana Aomata te Atua. E na karaoa are e bon taku ao i mwiina e a okira oin abana.

Taniera 11:28 ပူးပေါင်းရင်းမြစ်များ

Taniera 11:22

Ngkana iai ane e kakaitaraa, e ngae ngkana ana ibonga te Atua ae e rietaata, e na boni karenakoaki naba ma ni kamaunaaki.

Taniera 11:27

Ao i mwiina, ana kaai n tekateka n am'arake n te taibora ae ti teuana, ma a na ikam'aam'ane i boni i marenaia, ao a na keweia i boni irouia. Bon akea temanna mairouia ae e na koro bukin ana iango i bukina b'a e a tia te Atua ni bairei tokin maiuia.

Taniera 11:29

Ao rimwi riki, e na buakana Aikubita, ma n te tai aei ngkanne a nang bitaki b'aai ni kabane.

Taniera 8:12

Ao a tannako aomata mairoun te Atua, ao a anga ngaia nakoni m'aakan te koro arei, ao e a tewenakoaki te aro ni koaua nako aontano. E totokanikai te koro ni b'aai ni kabane ake e karaoi.

Taniera 8:24

E na rikirake ni korakora, ma tiaki man oini korakorana. E na karaoa te urub'ai ae e kakamaaku, ao a kookoro bukin b'aai ake e karaoi. E na kamaunaiia aomata aika a korakora ma ake bon oin ana Aomata te Atua.

M'akuri 3:25

Ana taeka n akoi te Atua are a taekinna burabeti bon i bukimi, ao iai tib'angami n te boraraoi are E karaoia te Atua ma ami bakatibu, n aron are E taekinna nakon Aberaam ngke E kaangai, “A na kab'aia kaain aonnaba ni kabaneia iroun am kariki.”