Taniera 11:27 - Te B'aib'ara

²⁷ Ao i mwiina, ana kaai n tekateka n am'arake n te taibora ae ti teuana, ma a na ikam'aam'ane i boni i marenaia, ao a na keweia i boni irouia. Bon akea temanna mairouia ae e na koro bukin ana iango i bukina b'a e a tia te Atua ni bairei tokin maiuia.

Taniera 11:27 ပူးပေါင်းရင်းမြစ်များ

2.Tamuera 13:26

Ao e taku Abetarom, “Ao ngkana ko aki kan m'ananga, ko na kanakoa tariu are Amnon b'a e na raoniira.” Ao e titiraki Tawita ni kaangai, “B'a bukin tera ngkai e na raoningkami?”

Taian Areru 12:2

Akea ae e na aki kewea raona: A keweia raoia n taeka ni karang.

Taian Areru 52:1

Ngkami aika aomata kam kona ni korakora, mani kainikatonga i bukin ami bure, ma E teimatoa onimakinan te Atua ni katoa bong

Taian Areru 58:2

Kam aki! kam ti iaiangoi baika bubuaka aika kam kona ni karaoi, aika m'akuri ni kakeru i aon te aba.

Taian Areru 62:9

Ai aron te ike ae ti teuana aomata nako; Ao ti te bo aroia aika kakannato ma aika mangori n akea manenaia. Ngkana a tauaki rawawataia, ao bon akea rawawataia; A bebete riki nakon rawawatan angin te ike ae ti te ikena.

Taian Areru 64:6

A kario iango aika bubuaka ao a kaangai, “E a tia ara iango ni kakam'arua.” Nanon ao ana iango te aomata bon te kamimii.

Taeka n Rabakau 12:20

E rangi ni kam'aam'ane te nano ae e b'anga ni kewe, ma e uota te kukurei te iango ae e tamaroa.

Taeka n Rabakau 19:21

Ti konaa ni karaoi ara babaaire aika a bati, ma e na bon karaoa are e bon baaireia te UEA.

Taeka n Rabakau 26:23

Karabaan iango ni kairiribai i akuun taeka aika a raraoi te taetae bon ai aron ae ko rabuna aon te b'aata n te tano ni mannangin te tirewa.

Etekiera 17:9

Ko na tuangai ngkai, Etekiera, n am iango e na maiu te kureebe aei? Ke e na katikia rake te moan ikare man wakaana man anai uaana kureebe ma n tiring baana aika a boou. E konaa te ikare n tiringnga ngkana akea ana i buobuoki te taanga ni buaka ae e korakora.

Taniera 10:1

Te kaotioti nakon Taniera i rarikin te karaanga are Taikiriti i nanon ana katenua n ririki ni uea Tairati i aon Bootia, ao e roko te rongorongo iroun Taniera, are arana naba Beretetiata. E koaua te rongorongo ma boni moan te kangaanga ataakin nanona. Ao e kab'araaki nakoina n te kaotioti.

Taniera 11:28

Ao i mwiina, buakanakin Aikubita ao e a oki rikaaki ma taiani b'ai ni kuri ake a reke i rouna n te buaka. Ao e buakaka Ierutarem ma ni kamaunaan aia aaro ana Aomata te Atua. E na karaoa are e bon taku ao i mwiina e a okira oin abana.

Taniera 11:29

Ao rimwi riki, e na buakana Aikubita, ma n te tai aei ngkanne a nang bitaki b'aai ni kabane.

Taniera 11:35

A na mate tabeman mai buakoia taani kairiiri ake a wanawana, ma n tokina, ao a na boni itiaki aomata. E na waaki nako te aro anne ni karokoa rokon te toki, are te tai are e a tia ni baaireia te Atua.

Taniera 11:40

“N te tai are e nang roko iai n tokina uean Tuuria, ao ane e na teirake iai uean Aikubita ni buakanna, ao e na manga teirake uean Tuuria ni kaitaraa ni buakanna ma korakorana ni kabane. E na kamanenai ana kaa ni buaka, ana aoti, ao ana kaibuke aika a bati. E na eekinakoi man taui aaba aika a bati n ai aron rokon te ieka.

Taniera 8:17

Ao e roko Kabiriera n tei i rarikiu, ao I a rangi ni maaku n te aro are I a b'aka i aontano. Ao e taku nako iu, “Natin te aomata, ko na atai nanoia. Bon taiani kaotioti i bukin tokin te aonnaba.”

Taniera 8:19

ao e taku, “Te b'ai ae I kaotia nakoim bon b'aai aika a na riki i bukin unin te Atua. E nanonaki rokon te toki n te kaotioti aei.

Ab'akuka 2:3

Korobokiia b'a a tuai n roko tain taeka aikai, ma ana bon waekoa ni koro nanoia, ao baika I tuangko ana bane ni koro bukiia. E taraa ni kiriaria, ma tataninga b'a ana bon roko baikai, ao ana bon aki taonaki taiia.

M'akuri 1:7

E taku Iesu nakoia, “Tiaki ami b'ai te atai taian tai nako ma boong ake E bairei te Tama ni m'aakana.

M'akuri 17:31

i bukina b'a E a tia ni motika te bong are E nang kaeti iai taekaia kaain aonnaba n te raoiroi iroun te Aomata are E a tia n rineia; ao E kaota koauana nakoia aomata ni kabaneia, ngke E a manga kamaiua mai buakoia maate.

1.I-Tetaronike 5:1

Kam aki kainanoa koreakin taekan taai ma boong aika a na riki iai baikai.