Taniera 11:23 - Te B'aib'ara

²³ E karaoa reitakina ma botannaomata tabeua i bukin te m'akuri ni kam'aam'ane, ao e na rikirake ni korakora ma ni korakora, e ngae ngke e uarereke te botannaomata are e tautaekanna.

Taniera 11:23 ပူးပေါင်းရင်းမြစ်များ

Karikani B'aai 34:13

Ao a kaeka natin Iakob'a ake mm'aane nakon Tekem ma tamana are Amora n te aro ni m'am'anaai ke ni kewe, i bukina ngke e kab'ainranga Nei Rina are m'aneia teuare Tekem.

Taian Areru 52:2

Ko karioi iango aika a na uru aroia tem'angina; Ai aron te m'ariro ae kakang newem; Ko aki toki ni karioi taeka ni kewe.

Taeka n Rabakau 11:18

E uotiko te buakaka n taabo nako te tei ni baba, ma e kaniwanganaki te raoiroi.

Taniera 11:22

Ngkana iai ane e kakaitaraa, e ngae ngkana ana ibonga te Atua ae e rietaata, e na boni karenakoaki naba ma ni kamaunaaki.

Taniera 11:24

E na buakani burawinti n te aro ae e aki kantaningaaki, ma ni karaoi m'akuri aika a tuai mani kakaraoaki irouia ana bakatibu. Ao i mwiina e na manga tib'ai nakoia raona b'aai, ao ana b'ai ake a reke naba i rouna n te buaka. E na karaoa ana baire i bukin buakanakin taian nono, ma e na bon aki tau ana tai.

Taniera 8:24

E na rikirake ni korakora, ma tiaki man oini korakorana. E na karaoa te urub'ai ae e kakamaaku, ao a kookoro bukin b'aai ake e karaoi. E na kamaunaiia aomata aika a korakora ma ake bon oin ana Aomata te Atua.

Taniera 8:25

A nanakoraoi ana m'akuri nako ni mamanibuaka, i bukina ngke bon te aomata ae te tia kam'ane ngaia. E kamoamoa i aon rab'atana, ao e tiringiia aomata n akea te katauraoi. E na boni kaitaraa naba te UEA are e korakora i aon b'aai ni kabane, ma e na bon tiringaki, tiaki ni bain te aomata.

I-Rom 1:29

A kaonaki nanoia n te buakaka ni kabanea, ma te kani buakaka, ma te kani b'aib'ai ae korakora, ma te babakanikawai. A on n te bakantang, ma te nano ni kamamate ma ni kauntaeka, ma te uarao, ma te iowawa. Bon taani winanti,

2.I-Korinto 11:3

Ma I maaku b'a a kawa n anaaki nanomi, n ai aron Nei Ewa ngke e m'am'anaki n nanowanawanan te naeta, ao kam kitana aromi n reitaki ma Kristo ae nako raoi ma n itiaki.

2.I-Tetaronike 2:9

E na roko te tia ri aon te tua ma m'aakan Tatan ao e na karaoi taiani kanikina ma kamimii ni kewe.