Taniera 11:21 - Te B'aib'ara

²¹ Ao e boni waaki nako naba te anera ni kab'ara nanon te kaotioti: Uean Tuuria ane te kauoman bon te aomata ae e rangi ni buakaka ae bon akea riaina b'a e na uea, ma e na reke m'aakana n te aro ae e aki kaantaningaki man ana m'akuri ni mamanibuaka.

Taniera 11:21 ပူးပေါင်းရင်းမြစ်များ

Taian Areru 12:8

B'a te koraki aika buakaka, aika a aiwaa n aki akaaka a kamoamoaai taekani baika a bubuaka ake a karaoi aomata.

Taian Areru 15:4

A kakeai bongaia aomata aika akea aroia, mani kaota te karinerine nako ia aomata ni kabane ake a taromauriia te UEA, mani kawakin aia berita, n aki ongea booia.

Taian Areru 55:21

A maranran riki ana taeka nakon te kuriim Ma e raba te riribai i nanona; A maraurau riki ana taeka nakoni marauraun te oera, Ma a korokoro n ai aroni kabaang aika kakang wiia.

Itaia 32:5

A nang aki rangi ni karineaki akana a nanobaba, ao a na aki anganaki nneia ni karineaki akana a maiuakina te aonikai.

Taniera 11:20

E na manga teirake te uea temanna i mwiina, are e na kanakoa ana aobitia b'a e na karawawataia aomata n te taekiti i bukin karikirakean kaub'ain ueana. E na tiringaki te uea anne i nanon te tai ae e aki maan, ma tiaki n te aro ae e na ataaki ke n te buaka.”

Taniera 11:32

Ao e na anai nanoia koraki ake a tia ni kitana te aro ni Iutaia, ma a na kaaitaraaki ni buakanaki irouia ake a teimatoa n aki kitana te Atua.

Taniera 11:34

Ngke e bon tabe ni waaki nako te tiritiri, ao e reke buokaia teutana ana Aomata te Atua, e ngae ngkana a m'aiti i buakoia ake a iriia i bukin iangoaia i bon irouia.

Taniera 11:7

N te tai ae e aki maan, ao e na manga uea temanna ma i buakoia ana koraki. E na buakana ana taanga ni buaka uean Tuuria, ma n ninia aia nono, ao ni kataenikaia.

Taniera 4:17

Aio ana babaire te anera are e b'aina te tatauraoi. Ma ngaia are, a na bane aomata n ataia b'a E m'aaka te Atua ae moan te m'aaka i aon abanuean te aomata, ao E kona n angan ane E bon taku, n ai aroia aika rangi ni mangori.’

Taniera 7:8

Ao ngke I tabe ni matakuakini taiani koro ao I noora te koro teaina ae e uarereke ae e kaoti i rarikin ake tabeai. Ao e kouti tennai taiani koro mai buakon ake a kamani mena i m'aaina. Iai matan te koro aei kaanga te aomata, ao iai naba wiina ae e rangi n taetae ni kamoamoa.

Taniera 8:23

“Ao ngkana a uakaan tokin taian tautaeka aikai, ao ane a na rikirake n rangi ni buakaka n te aro are a na bon anganaki te rekenikai, e na kaoti te uea ae e taningabono ae e buakaka kateina ae te tia kam'ane.

Taniera 8:25

A nanakoraoi ana m'akuri nako ni mamanibuaka, i bukina ngke bon te aomata ae te tia kam'ane ngaia. E kamoamoa i aon rab'atana, ao e tiringiia aomata n akea te katauraoi. E na boni kaitaraa naba te UEA are e korakora i aon b'aai ni kabane, ma e na bon tiringaki, tiaki ni bain te aomata.

Taniera 8:9

Ao e a manga kaoti te koro teuana i aon te koro teuana mai buakon kooro ake aua, ao e taona maiaki ma mainiku m'aakana ni karokoa te Aba ni Berita.

Naum 1:14

Aio baireaia kaain Aturia iroun te UEA, “A na akea aia kariki, are a na kateimatoai araia n rooro rimwi. N na kab'akai aia bouannanti ake i nanon temboran atuaia ni kewe. I a katauraoa ngkai ruanimateia kaain Aturia-a aki katauaki b'a a na maiu!”

1.Tamuera 3:13

E bon ataia b'a a rawa natina m'aane n karineai, ao e bon katikuia n aroia arei, e ngae ngke I a tia n taekinna b'a N na katuaaia ma ana utu n taai nako.