Taniera 11:15 - Te B'aib'ara

¹⁵ Ma ngaia are, e na otab'aninia te kaawa are e nonoaki uean Tuuria ma n taua. Ao a na aki kona n reitanako aia buaka tautian Aikubita; e na bon akea naba korakoraia aia tautia ake a bane aroia.

Taniera 11:15 ပူးပေါင်းရင်းမြစ်များ

Ieremia 33:4

Bon te UEA Ngai ae Atuaia Iteraera, ae I taekinna b'a e na b'aka ni m'akoroua autin Ierutarem ao ana bareti te uea i Iuta b'a mwiin ewekakina ao buakanakina.

Ieremia 5:10

N na tuangiia aia kairiribai ni kaangai, “Naako riin n au nne n aroka ni kureebe. Kam na aki urui taiani kureebe, ma kam na ti koroi ni kanakoi taiani m'aanga, i bukina b'a bon aomata ngaiia aika tiaki au b'ai.”

Ieremia 52:4

N ana karuaiwa n ririki ni uea Tetekia, n te katebwina n nam'akaina, e a kairiia ana taanga ni buaka ae e b'anin Nebukaneta mai B'aburon ni buakana Ierutarem. A katea aia kaemb'a te taanga ni buaka arei i tinanikun te kaawa ao a katei b'ain tam'arakean oon nako te kaawa.

Ieremia 6:6

Bon te UEA Ngai ae Moan te M'aaka, ao I tua b'a a na bane taian taanga ni buaka aikai ni koroi aroka ni kabane ma ni katei b'ain ninian nonon Ierutarem. Kaain Ierutarem, N na katuuaingkami i bukin ami motibuaka.

Etekiera 17:17

E ngae ngke e na akea manenan uean Aikubita ma ana taanga ni buaka ae e korakora nakon Iuta ngkana e buaka B'aburon ma n katei taian tano i bukin ninian kaawan nako Iuta ma n tiringiia kaaina.

Etekiera 4:2

Ao i mwiina, katauraoi nakon buakanakin te buriki b'a kaanga te kaawa ni koaua. Katabuka te tano ni katobibiia ao karaoa b'ain niniana aika a rietaata ao katobibia te buriki n aia maeka kairiribai. Ao kaaki taiani boua aika kaai b'a kaanga aongkoa ko nang urua mataroan te kaawa.

Taniera 11:14

Ao ane a na m'aiti aomata aika a na rawa nakon Aikubita. Ao tabeman aika a aki kona n taotaon nanoia mai buakoia aomatan am botannaomata Taniera, a na kamangao i bukin te kaotioti are a tia n noria, ma a na bon taenikai.

Taniera 11:6

Ao i mwiin tabeua te ririki, ao e na manga reitaki uean Aikubita ma uean Tuuria, ao e na angan uean Tuuria natina te aine b'a buuna.

Taniera 8:7

Ao I mataku ngke e tabe n un ma te tiibu te m'aane. E bon rangi n un n te aro are e okianako ao e urui korona te tiibu m'aane ake uoua. Bon akea korakoran te tiibu m'aane ni kaitaraa. A b'aka nako aontano ao e toubekaaki, ao bon akea temanna ae e konaa ni kamaiua.

Iotua 1:5

Bon akea ae na kona n eekikonako ni karokoa matem. N na mena i roum n ai arou ngke I mena naba iroun Moote. N na memena i roum n taai nako. N na bon aki kiitaniko.