Taniera 10:9 - Te B'aib'ara

⁹ Ao ngke I ongo b'anaana, ao I b'aka ni bobaraaki n tong i aontano.

Taniera 10:9 ပူးပေါင်းရင်းမြစ်များ

Karikani B'aai 15:12

Ao ngke e a bungitaai, ao e a matunako Aberam, ao e roko te maaku ae korakora i rouna.

Karikani B'aai 2:21

Ao te UEA ae te Atua, E karokoa te matu ae korakora i aon te mm'aane, ao ngke e a kironako ni matu, ao e anaa riin kaokaona teaina, ao E a manga bonota mwiina.

Iobi 33:15

Ngkana a matu aomata, ao E taetae te Atua n taiani mii ma kaotioti.

Iobi 4:13

E aki karaua matu, kaanga ai aron te mii ae moan te kakamaaku.

Ana Anene Toromon 5:2

I boni matu, ao I mii: E tei teuare I tangiria i matan te mataroa, e karebwerebwe ao e taku, “Raou ae e tangiraki, ae bon ti au b'ai au taobe ae akea waewaeana, kauka te mataroa nako iu! E a makuna atuu n aoin te tairiki.”

Taniera 10:16

Ao e riinga riau te anera are kaanga ai aron taraan te aomata. Ao I taku nakoina, “Nao, E anaa korakorau te kaotioti aei n te aro are I aki kona ni katoka rurun rab'atau.

Taniera 8:18

Ao ngke e tabe n taetae, ao I b'aka n tong i aontano. Ma e tauai ni baina, ao e kateirakeai. Ao e taku, “N na kaoti nakoim baika a nang riki i bukin unin te Atua. E kaineti te kaotioti anne nakon tain te toki.

Ab'akuka 3:16

I bane n ongo baikai ao I riki n ruru iai; a ruru matanriau ni maaku. E keerikaaki korakoran rab'atau ma n rurubenebene waeu. N na tataninga ma te rau, n taningaa rokon te tai are E na oroia iai te Atua koraki akea a buakanira.

Ruka 22:45

Ao E tei rake ngke E tia n tataro, ao E kawariia ana reirei, ao E noriia b'a a matu b'a mwin taonakiia n te nanokawaki ae bati;

Ruka 9:32

Ao a matu nako Betero ma raona; ma ngke a uti, ao a nora mimitongin Iesu ma aomata ake uoman ake a tei ma Ngaia.

Te Kaotioti 1:17

Ngke I noria ao I katorobubua ni bobaraaki i rarikini waena n ai aron te mate; ao E kaaki baina are ataina i aou, ao E kaangai, “Tai maaku! Boni Ngai te Moa ao te Toki.