Taniera 10:8 - Te B'aib'ara

⁸ Ao I a tiku n tii ngai ikekei, ni matakuakina te kaotioti arei. Ao bon akea nikiran korakoran rab'atau, ao e bitaki moau n te aro are akea ae e kinaai.

Taniera 10:8 ပူးပေါင်းရင်းမြစ်များ

Karikani B'aai 32:31

Ao e a oti taai ngke e kiitana Beniera Iakob'a, ao e turatura i bukin tibanakon riin bebeena.

Te Otinako 3:3

Ao e taku i bon i rouna, “E kamimii te b'ai aei! N na nako ni mataku iai b'a e kangaa n aki buee.”

Taniera 10:16

Ao e riinga riau te anera are kaanga ai aron taraan te aomata. Ao I taku nakoina, “Nao, E anaa korakorau te kaotioti aei n te aro are I aki kona ni katoka rurun rab'atau.

Taniera 10:17

Kaanga ai aron te toro ngai ae e tei i matan ana toka. N nang kanga n taetae nakoim? Bon akea nikiran korakorau ke ikeikeu i nanou.”

Taniera 7:28

Ao aei tokin rongorongoni b'aai ake a riki. Ao I rangi ni maaku n te aro are I a mainarake, ao I aki kona ni m'aninga baikekei.

Taniera 8:27

Ao I wene ni mamaara ma n aoraki i nanon tabeua te bong. Ao i mwiina I teirake, ao I a manga moana au m'akuri are e anganai te uea, ma e minotaki au iango n te kaotioti arei ao e aki reke nanona.

Taniera 8:7

Ao I mataku ngke e tabe n un ma te tiibu te m'aane. E bon rangi n un n te aro are e okianako ao e urui korona te tiibu m'aane ake uoua. Bon akea korakoran te tiibu m'aane ni kaitaraa. A b'aka nako aontano ao e toubekaaki, ao bon akea temanna ae e konaa ni kamaiua.

Ab'akuka 3:16

I bane n ongo baikai ao I riki n ruru iai; a ruru matanriau ni maaku. E keerikaaki korakoran rab'atau ma n rurubenebene waeu. N na tataninga ma te rau, n taningaa rokon te tai are E na oroia iai te Atua koraki akea a buakanira.

Mataio 17:6

Ao ngke a ongo aei ana reirei, ao a b'aka ni bobaraaki i aontano, b'a a kaonaki n te maaku.

Mareko 9:6

E taekina aei b'a a rangi ni maaku, ao e aki ata te b'ai ae riai n taekinna.

Ioane 16:32

Noria, e a roko te aoa, ao e a boni kaman roko, are kam na kauamaaeaki nako iai nakoni mwengami nako, ao kam na kitanai ni katukai n ti Ngai; ma iai raou b'a Tamau.

2.I-Korinto 12:7

Ao i bukini kaotioti aika kamimii aroia ake I nori. Ma ngaia aei, i bukina b'a I kawa n rangi ni kamoamoaai, ao I a anganaki te bae e maraki iai rab'atau, are e m'akuri b'a ana anera Tatan i bukin oreau ao tukau b'a N na aki rangi ni kamoamoa.

Te Kaotioti 1:17

Ngke I noria ao I katorobubua ni bobaraaki i rarikini waena n ai aron te mate; ao E kaaki baina are ataina i aou, ao E kaangai, “Tai maaku! Boni Ngai te Moa ao te Toki.