Taniera 10:6 - Te B'aib'ara

⁶ E oota rab'atana n ai aron te tirewa. Ao e takiakia moana n ai aron te iti, ao a ura matana n ai aron te ai. Baina ma waena kaanga ai aron taraan te buraonti ae e a tia ni kaitiakaki, ao b'anaana kaanga ai aron rurungaan te koraki n aomata ae e korakora.

Taniera 10:6 ပူးပေါင်းရင်းမြစ်များ

Te Otinako 28:20

ao n te kaa rinan bon te beruro, te oniki, ao te iatebi. Katokai ao kanim atiibu akanne n tein te b'ai ni katamaroa ae te koora

Ana Anene Toromon 5:14

Anganibaina bon taiani m'aanga aika koora aika a rabunaki n taiani b'ai ni katamaroa; rab'atana bon koron te ereb'anti ae katamaroaaki n taian tabeiro.

Etekiera 1:14

A m'ananga maan akekei ni kewa kaanga kiban te m'akaro man te ai.

Etekiera 1:16

ae e raneanea kaanga te tobati. Ti te bo wiirana nako ao e mena wiirana are teuana i nanon wiirana are teuana; kaanga e koreaki mai nuuka

Etekiera 1:24

Ao I ongo tangin baiia ngkana a kiba; kaanga aron rurungaan naon taari, kaanga karongoaan te taanga ni buaka ae rangi ni korakora, kaanga b'anaan te Atua ae Moan te M'aaka. Ao ngkana a toki ni kibakiba, a manga rukumi baiia ni kiba i rarikin rab'ataia.

Etekiera 1:7

A eti rangaia, ma ti te bo waeia ma waen taiani kao ataei ao a raitiiti kaanga te buraati.

Etekiera 10:9

ao I noori wiira ake aua i rarikiia maan akekei. A raneanea wiira aikai kaanga te tobati.

Etekiera 40:3

E uotai ni kaaniai riki ao I noora te m'aane ae e raitiiti kaanga te buraonti ae e karaneaneaaki. E tei te aomata arei i rarikin teuana mai buakon taian mataroa ao e taua baairean te anaanau ni baina are teuana ao te kai ni baina are teaina.

Etekiera 8:2

ao I noora te b'ai ae kaanga tein te aomata. Te b'ai aei kaanga ai aron te ai man koreana rikaaki, ao e raneanea kaanga te biti mani koreana ni waerake.

Mataio 17:2

A nora Iesu b'a e bitaki taraana, ao e oota moana n ai aron taai, ao a taraa ni mainaina n raneanea kunnikaina n ai aron te oota.

Mataio 28:3

Ao e oota ubuna kaanga ai aron te iti, ao e mainaina kunnikaina n ai aron te tinoo.

Ruka 9:29

Ngke E tabe n tataro, ao E onikaki aron taraan ubuna, ao e riki ni mainaina man raneanea kunnikaina.

Te Kaotioti 10:1

Ao I nora te anera temanna ae korakora b'a e ruo mai karawa. E kunnikaiaki n te nang, ao Nei Wirara i aon atuna; ao ubuna ai aron taai, ao rangana ai aron tein taraan te ai ae tei b'a kanga te boua.

Te Kaotioti 19:12

Ai aron uran te ai matana, ao a bati baunuea i aon atuna; ao iai te ara ae koreaki i aon rab'atana, ae akea temanna ae ataia b'a ti Ngaia.

Te Kaotioti 2:18

“Ao ko na koroboki nakon ana anera te ekaretia are i Tuateira ni kaangai: “E kaangai Natin te Atua, are iai matana aika ai aron uran te ai, ma waena aika ai aron te buraati ae raneanea:

Te Kaotioti 21:20

e katamaroaaki are te kanimaua n te taretonuka, ao are te kaonoua n te tarerio, ao are te kaitiua n te kerutorito; are te kawanua n te beruro, ao are te karuaiwa n te tobati; are te katebwina n te kurutoberato, ao are te katebwi ma teuana n te uakinto; ao are te katebwi ma uoua n te ametuteto.