Taniera 10:19 - Te B'aib'ara

¹⁹ E taku, “E tangiriko te Atua, ma ngaia ae ko na aki raraoma ke ni maaku.” Ao ngke e a tia n taekin baikai, ao I a manga namakina riki rinin korakorau ao I taku, “Nao, tuangai b'aai ni kabane ake ko a tia n taekin, b'a ko a tia ni kakorakoraai.”

Taniera 10:19 ပူးပေါင်းရင်းမြစ်များ

Taian Areru 138:3

Ngke I weteiko, ao Ko ongo irou; Ko kakorakoraai ni korakoram.

Itaia 35:4

“Kakukureingkami! Kam na aki maaku. E a roko te Atua b'a e na katuaaia ami kairiribai. Ane e na irantaangaia te Atua ao e na kamaiungkami.”

Itaia 41:10

Ko na aki maaku. Bon raou ngkoe. Ko na aki ruru ni maaku. Bon Atuam Ngai. N na kakorakorako, ngkana I kamanoko ni baiu ma n anganiko taian tokanikai.

Itaia 41:14

Kaain Iteraera kam na aki raraoma, ngkana a kaangai tem'angina, Bon ti te m'ata Iteraera!” Bon Atuan Iteraera ae e tabu Ngai, ae E kamaiuko ma ni kaawakiniko.

Taniera 10:18

Ao e a manga riingai riki ao I a namakina reken korakorau.

Taniera 9:23

Ngke ko a tib'a tabe ni kairoroa te Atua, ao e a kaekako naba. E tangiriko, ao ngaia ae I a roko n tuangko boon am tataro. Ao kakauongo raoi ngkana I kab'ara nanon te kaotioti.

Akai 2:4

Ma kam na kukurei! I bukina b'a N na mena ikai Ngai ae te UEA ae Moan te M'aaka ni buokingkami n te m'akuri,

Tekaria 8:13

Kaain Iuta ma Iteraera, kam a tia n riki b'a b'ai ni kamaraia nakoia botannaomata nako, ma N na kamaiungkami ma ni kairingkami b'a te b'ai ni kakab'aia nakoia. Ma ngaia are, kam na aki maaku ke ni kabuai nanomi.

Tekaria 8:9

Bon te UEA Ngai ae Moan te M'aaka! Ma ngaia are, kam na aki b'arannano. Kam na iangoi au rongorongo ake a taekin au burabeti ngke e moan kaweneaki aan te Tembora.

Ioane 11:3

A kanakoa ngkanne aia rongorongo m'anen Rataro aikai nakon Iesu ma taekana ae kaangai: Te Uea, e aoraki teuare Ko tangiria.

Ioane 11:36

Ma ngaia are, a taku I-Iutaia, “Noria, ai batiraa tangirana i rouna!”

Ioane 11:5

Ao Iesu E tangira Mareta, ma tarina, ma Rataro naba.

Ioane 14:27

“I katuka te rau iroumi; I anganingkami au rau: I aki anganingkami n ai aron te aba, ngkana e anga. A na tai rawawata nanomi, ao a na tai maku.

Ioane 16:33

I atongi baikai nakoimi b'a e aonga n reke iroumi te rau ngkana kam reitaki ma Ngai. Ami b'ai i aon te aba te rawawata; ma kam na ninikoria, b'a I a tia ni kataea ana kai te aba.”

Ioane 19:26

Ma ngaia are, ngke E nora tinana Iesu, ao E nora naba te reirei are E tangiria b'a e tei i rarikina, ao E taku nakon tinana, “Neiko, noria, ao anne natim.”

Ioane 21:20

E rairaki Betero, ao e nora te reirei are E tangiria Iesu b'a e iri; ngaia ngkoa are raraa b'anib'anin Iesu ngke a am'arake n tain te Toa are te Riao, ao ngaia naba are kaangai, “Te Uea, antai ae na kam'aneko?”

1.I-Korinto 16:13

Kam na tatauraoi, kam na teimatoa n te onimaki, kam na nano ni mm'aane, ao kam na korakora.

2.I-Korinto 12:9

Ao E kangai nako iu, “E tau i bukim au akoi, b'a e oti aroni m'akau b'a e korakora n te mamara.” Ma ngaia ae moan te kukurei ngai ni kamoamoaai ni mamarau, b'a e aonga ni memena m'aakani Kristo i aou.

I-Ebeto 6:10

Te kabanea: kam na korakora i nanon te UEA, ao ni korakorani m'aakana.

2.Timoteo 2:1

Ma ngaia aei, natiu, ko na korakora, n te akoi are reke ngkai ti reitaki ma Kristo Iesu;

Iotua 1:9

Uringa are I a tia n tuangko, b'a ko na korakora ma n ninikoria! Tai maaku, ao tai b'arannano, b'a N na raoraoniko n taai nako ao n taabo nako ike ko nako iai, Ngai ae te UEA ae Atuam.”

Te Kaotioti 1:17

Ngke I noria ao I katorobubua ni bobaraaki i rarikini waena n ai aron te mate; ao E kaaki baina are ataina i aou, ao E kaangai, “Tai maaku! Boni Ngai te Moa ao te Toki.

Tani Motiki-taeka 6:23

Ao E taku te UEA nakon Kiteon, “Karaua nanom, bon akea te b'ai ae ko na maaku iai. Ko na bon aki mate.”