Taniera 10:10 - Te B'aib'ara

¹⁰ Ao e tauai te bai n eutai rake teutana nako aon bubuan waeu ma baiu; ao I bon ruru naba.

Taniera 10:10 ပူးပေါင်းရင်းမြစ်များ

Ieremia 1:9

E kanakoa baina te UEA, ao e riinga wiiu ao e taku, “I anganiko taeka aika ko na taekin,

Taniera 10:16

Ao e riinga riau te anera are kaanga ai aron taraan te aomata. Ao I taku nakoina, “Nao, E anaa korakorau te kaotioti aei n te aro are I aki kona ni katoka rurun rab'atau.

Taniera 10:18

Ao e a manga riingai riki ao I a namakina reken korakorau.

Taniera 8:18

Ao ngke e tabe n taetae, ao I b'aka n tong i aontano. Ma e tauai ni baina, ao e kateirakeai. Ao e taku, “N na kaoti nakoim baika a nang riki i bukin unin te Atua. E kaineti te kaotioti anne nakon tain te toki.

Taniera 9:21

Ngke I tabe n tataro, ao e kibarikaaki Kabiriera are I nooria ngkoa n te kaotioti are mai m'aiina, n roko nakon te tabo are I mena iai. E a boo tain te angakarea arei n te tairiki.

Te Kaotioti 1:17

Ngke I noria ao I katorobubua ni bobaraaki i rarikini waena n ai aron te mate; ao E kaaki baina are ataina i aou, ao E kaangai, “Tai maaku! Boni Ngai te Moa ao te Toki.