Taniera 10:1 - Te B'aib'ara

¹ Te kaotioti nakon Taniera i rarikin te karaanga are Taikiriti i nanon ana katenua n ririki ni uea Tairati i aon Bootia, ao e roko te rongorongo iroun Taniera, are arana naba Beretetiata. E koaua te rongorongo ma boni moan te kangaanga ataakin nanona. Ao e kab'araaki nakoina n te kaotioti.

Taniera 10:1 ပူးပေါင်းရင်းမြစ်များ

Karikani B'aai 41:32

Okiokin miim bon kaotana b'a E a tia te Atua ni kamatoa b'a E na karokoa n te tai ae aki maan n taai aika i m'aaira.

2.Rongorongo 36:22

N ana moan ririki Tairati ni uea i aon Botia, ao te UEA e karaoa Tairati b'a e na kanakoa ana rongorongo nakon m'akoron abanueana ni kabane. E riki aei n aron are e a tia ni berita iai Ieremia are ana burabeti te UEA.

Etira 3:7

E a tia n taku ngkoa uean Botia are Tairati, b'a a konaa Iteraera n anai taian kai ake tiira mai Reb'anon ni karokoa Ioba ni katiki ri taari. Ma ngaia are, a kanakoi taiani uita, wain, ao b'aan te oriwa nakoni kaawa aika a buubura ake Turo ao Titon b'a boon kaai, ao a anga taiani m'ane nako ia taani m'akuri n te atiibu ao taani kabenta.

Etira 4:3

Ma a taku Terub'abera, Iotua ao taani kairiiri man taian utu, “Kam aki kona n ira karaoan ana Tembora te UEA ae Atuara. Ti na boni karaoia i bon iroura, n aron are e a tia ni mwiokoira iai Tairati are uean Botia.”

Etira 4:5

I nanon te tai are e uea iai Tairati ni karokoa naba ana tai ni uea Taraiati ao a bon teimatoa naba n ananaa nanoia mataniwiin te tautaeka b'a e aonga ni waeremwe te m'akuri.

Etira 6:14

Ao a nakoraoi aia m'akuri taani kairiiri mairouia taiani Iutaia n reitakinakoan karaoan te Tembora, ao a tabe Akai ma Tekaria ni kab'arab'ara ni kaungai nanoia. Ai ngaia are, e a tia te Tembora i aan ana kairiiri Atuan Iteraera, ao mai aan naba ana taeka Taraiati, ao Atatokititi are kaain Botia.

Etira 6:3

b'a n ana moan ririki ni uea Tairati, ao e anga ana taeka b'a e na manga kateaki ana Tembora te UEA i Ierutarem, b'a a aonga n nikiraki taian angab'ai ma taiani karea iai. E na kateaki nakon uabwi ma itiua te miita rietana ao uabwi ma itiua te miita rababana,

Itaia 44:28

Boni Ngai naba are I kaangai, “E na kairiia au aomata Tairati ao e na ongotaeka nakon au babaaire. E na manga karaoaki Ierutarem ao te Tembora.”

Taniera 1:17

Ao te Atua E anganiia rorobuaka aika aman aikai te rabakau n atai nanon koroboki ma te wanawana. Ao n reitaki ma anne ao E angan Taniera te rabakau ni kab'ara nanon taiani kaotioti ma taiani mii.

Taniera 1:21

E teimatoa n tiku i nanon te baareti Taniera ni karokoa teiraken Tairati are uean Bootia n taua B'aburon.

Taniera 1:7

Ao te mataniwi arei e a anganiia araia aika a boou aika Taniera b'a Beretetiata, Anania b'a Tiateraka, Mitiaera b'a Metiaka, ao Ataria b'a Abeteneko.

Taniera 10:14

I roko ngkai b'a N na tuangko te b'ai ae e na riki nakoia am aomata n taai aika a na roko. Te kaotioti aei bon i bukin taai akana a na roko.”

Taniera 11:2

Ao e boni koaua te b'ai ae N nang tuangko.” E taku te anera, “Teniman riki uea aika a na tautaekana Botia, ma n taorimwiiaki iroun te kaaman, are e na rangi ni kaub'ai nakoia ake tabem'aang. E na kakaewenakoa te abanuea are Kuriiti ngkana e korakora m'aakana ma kaub'aina.

Taniera 12:4

Ao e taku nako iu, “Ao ngkai Taniera, ko na kaina te boki, ao kanikinaea b'a e na aki kaukaki ni karokoa tokin aonnaba. Ane a na m'aiti aomata aika a na kabanea aia tai ni kan atai b'aai aika a na riki.”

Taniera 12:9

Ao e kaeka ni kaangai, “Ko riai n nako ngkai, Taniera, b'a a na karabaaki ma n aki kaotaki nanon taeka aikai ni karokoa rokon te toki.

Taniera 2:21

E taui aron taian tai ma taian aua; E kateia uea ao E kab'akaia naba; boni Ngaia ae E anga te rabakau ma te ataib'ai.

Taniera 4:8

Ao i mwiina, ao e rin Taniera (E aranaki naba b'a Beretiata, b'a ingoan antiu). E mena i nanona taamnein te Atua ae e tabu. Ma ngaia are, I a tuangnga miiu arei ni kaangai;

Taniera 5:12

ma ngaia ae ko na kawaekoa te aomata ae Taniera are e aranaki ngkoa iroun te uea b'a Beretetiata, ao e na tuangko nanoni baikai ni kabane.”

Taniera 5:17

E kaeka Taniera, “Kaawakina am b'ai n tangira, ke anganiia tabem'aang. N na wareka te b'ai ane e korobokiaki nakoim te uea ae ko karineaki ma

Taniera 6:28

Ao e kakab'aiaki Taniera i nanon ana tai ni uea Taraiati, ao Tairati are kaain Bootia.

Taniera 8:16

Ao I ongo te b'anaa ae e weewete i aon te karaanga are Urai ae e kaangai, “Kabiriera, kab'arai nanoni kaotioti nakon teuanne.”

Taniera 8:26

Ao e na boni koro bukin te kaotioti are e a tia ni kab'araaki nakoim are i bukin te tairiki ao te moaningabong. Ma ko na aki kakaotia ngkai, i bukina b'a e na bon kiriaria te tai are e na koro bukina iai.

Ruka 1:20

Ao noria, ane e na bua b'anaam ao ko na aki kona n taetae ni karokoa te bong are a na kakoroaki iai nanoni baikai, i bukina b'a ko a tia n aki kakoauai au taeka aika a na kakoroaki bukiia ngkana a roko taiia.”

Te Kaotioti 19:9

Ao e taku te anera nako iu, “Ko na korea ae kaangai, A a kab'aia akana kaoaki nakon ana am'arake ni mare te Tiibuteteei.” Ao e kaangai naba, “Taeka aikai bon taeka aika koaua aika ana taeka te Atua.”