Taniera 1:8 - Te B'aib'ara

⁸ Ao e reke ana iango Taniera b'a e na aki kam'araea ni kang kanaia ao nimaia kaain ana baareti te uea, ake am'arake aika a kam'araa. Ma ngaia are, e a butiia Atibenati b'a e na buokia,

Taniera 1:8 ပူးပေါင်းရင်းမြစ်များ

1.Uea 5:5

E berita te UEA ae te Atua nakon tamau b'a ngkana e riki b'a te uea natina te m'aane, ao e na katea te Tembora i bukin taromaurian te UEA. Ma ngaia are, I a tia ni baaireia b'a N na karaoa anne.

Taian Areru 106:28

A ira taromauriani B'aara i Beore ao a kang karea ake a katauaki i bukiia atua ake akea te maiu i nanoia.

Taian Areru 119:106

I a tia ni kab'aka au taeka, ao N na kakoaua b'a N na tou mwin am Babaire aika raraoi.

Taian Areru 119:115

Naako mairou, ngkami akana kam kakaraoa ae buakaka: I a kataua te ira nanon ana tua Atuau.

Taian Areru 141:4

Ko na tukai mani kani karaoan ae buakaka, ao man raonakiia akana buakaka ni karaoi m'akuri aika bubuaka. N na aki am'arake ma ngaiia n aia tai ni bootaki.

Taeka n Rabakau 23:3

Kam na aki m'angainrang n taraan am'arake ni kabane aika a kangenge taraaia! A na bon aki rangi ni kangkang.

Taniera 1:5

E anga ana taeka te uea b'a a na kakam'arakeaki mani kakamooaki n aron kanaia ao nimaia kaain ana bareti te uea ni katoa bong. Ao ngkana a koro tenua te ririki n te aro anne, ao a na manga kaotaki i matan te uea b'a e na nooriia.

Taniera 5:4

ao a neboa te anti are e karaoaki man te koora, ma te tirewa, ma te buraonti, ma te biti, ma te kai, ao te atiibu.

M'akuri 11:23

Ngke e roko ao e nora aron ana akoi te Atua nakoia, ao e kim'areirei; ao e kaungai nanoia ni kabane b'a a na nim ma te UEA ma nanoia ni koaua.

M'akuri 15:20

Ma ti riai ni korea te reta nakoia, n tuangiia b'a a na aki kangi baike a tia ni kareanaki nakoni bouananti b'a a kam'ara; ao b'a a na aki b'aina te wene ni bure, ao a na aki kang irikoni maan aika a koonaki roroaia ngke a tiringaki, ao a na aki kana naba te raraa.

1.I-Korinto 7:37

Ma ngkana e a bon tia i nanon te aomata, n aki kairoroaki, b'a e na aki mareaki, ao ngkana e a tia ni kona n taotaona nanona, ao e a tia naba ni motikia i nanona b'a tera are e na karaoia, ao e aki bure ngkana e aki mareaki ma ana kabae.

2.I-Korinto 9:7

E na angab'ai te aomata n ai aron are e taku, tiaki man te nano ae rawawata ke n te aro ni kairoro; b'a te Atua E tangira te aomata ae anga ma nanona ae kukurei.

Te Tua-Kaua 32:38

Kam kareana te wain nakoia ma ami karea ake kabanea n raoiroi. A aki kona ni buokingkami atua aikanne ke ni kamaiungkami?