Taniera 1:4 - Te B'aib'ara

⁴ A na riai n rineaki rorobuaka aika a botonimm'aane, a wanawana, aika a tia n reireiaki raoi, a birim'aaka aia iango, ao a aki aorakibuaka rab'ataia, n te aro b'a a na tau n riki b'a ana taani m'akuri te uea. A na reiakinaki te wareware ma te koroboki ni B'aburon iroun Atibenati.

Taniera 1:4 ပူးပေါင်းရင်းမြစ်များ

Karikani B'aai 41:46

Tenibwi ana ririki Ioteb'a ngke e kamataniwiaki iroun te uea, ao e mwiokoia te uea n taabo nako

2.Tamuera 14:25

Bon akea i aon Iteraera ae e orea botonim'aanen Abetarom.

Taeka n Rabakau 22:29

Ngkana kam karaoa raoi ami m'akuri, ao kam bon m'akuri iai i bukin te tia tautaeka ao kam na bon aki manga riki b'a te toro.

Te Minita 7:19

E na kakorakorako riki te wanawana nakoia taani kairiiri aika tengaun aika a korakora i nanon am kaawa ae e buubura.

Itaia 36:11

Ao a taku Eriakim, Tebena, ao Ioa, “Teuare ko karineaki, ti aki tangiriia b'a a na ongora mai nanon te kaawa ma n ataa nanon te b'ai ae ti taekinna. Ma ngaia are, ti butiiko b'a ko na aki taetae nakoira n te taetae n Ebera ma ko na taetae n Aram'aika.”

Ieremia 5:15

Kaain Iteraera, I a tia ni karaoa au babaaire. E na buakaningkami te taanga ni buaka man te aba ae e raroa nako. I a tia n rinea te botannaomata nikawai ae kam babanga aia taetae.

Taniera 2:10

Ao a kaeka ana taani iango ni kaangai, “Te uea ae ko karineaki, bon akea temanna n te aonnaba aio ae e kona n tuangko te b'ai ae ko tangiria ni kan ataia. Bon akea te uea temanna, akea naba te aomata ae e rangi ni korakora ma n aintoa ae e a tia n tangira te aro anne nakoia ana taan tabunea, ma ana ibonga ma ana taani b'ai.

Taniera 2:2

ma ngaia are, e a kanakoa weteaia ana taan tabunea, ma ana ibonga, ma aomata aika taani b'ai, b'a a na tuangnga b'a tera are e a tia ni miia. Ao ngke a roko n tei i matan te uea,

Taniera 3:8

Tabeman kaaini B'aburon a karekea te tai aei b'a aia tai ni kabuakakaia I-Iutaia nakon te uea are Nebukaneta.

Taniera 4:7

Ao i mwiina, a bane ni karinaki i nanon te bareti taan tabunea, ma ibonga, ao taani borau, ao I tuangiia miiu arei, ma a bon aki kona ni kab'ara nanona nako iu.

Taniera 5:11

Boni iai te m'aane temanna n abanueam ae iai ana konab'ai ae e raka, e wanawana, e m'aatai n te kab'ara mii, e rabakau ni kaiwa, ao e atai nanoni baika a raba;

Taniera 5:7

Ao e takaarua b'a a na kawaekoaaki taan tabunea, ma ibonga, ao taani borau. Ao ngke a rin, ao e taku te uea nakoia, “Ane e kona ni wareka te koroboki aei man tuangai nanona, ao e na karinaki te niiniira ae e uraro are aia b'ai uea, ao e na kabaeaki te m'ae ni karineaki ae te tiein ae te koora i roroana, ao e na riki b'a te kateniman ni m'aaka i nanon te abanuea.”

Taniera 9:1

Ao Taraiati are kaaini Miiria, are natin Tiekititi te m'aane, e tautaekana te abanuea are B'aburon. E riki b'a uean B'aburon. Ao n ana moan ririki n uea, Ao I kunea man kamateb'aian aia koroboki burabeti b'a E a tia te UEA n taetae nakon Ieremia ni kangai, E na b'aka Ierutarem ao n uruaki i nanon itibwi te ririki.

Tekaria 2:4

ao e taku, “Kawaekoako! Tuanga te m'aane anne ane e tautaua te koranibaaire b'a akea tian Ierutarem. E na rangi n onrake irouia aomata ma maan e ngae naba ngkana iai oona.

M'akuri 7:20

Bon aei te tai are e bungiaki iai Mote, ao te teei ngaia ae moan te tikiraoi taraana. E kawakinaki ma n tararuaki raoi i nanon tenua nam'akaina n ana auti tamana,

M'akuri 7:22

Ao e reirei Mote n aia rabakau ni kabane I-Aikubita, ao e riki b'a te aomata ae rangi n rabakau n te aro n taetae, ao n te m'akuri.

I-Ebeto 5:27

b'a e aonga n riki nakoina b'a te ekaretia ae rangi n tamaroa, ae akea barekana ke tikibuakana, ke te aro riki teuana ae na taraa-buaka iai, b'a e aonga n itiaki ma n akea buakakana.

Tani Motiki-taeka 8:18

Ao e taku Kiteon, Teba ao Taremunna, kam na tuangai rongorongoia m'aane ake kam tiringiia i Tabora. Ao a taku uea ake uoman akekei, Bon te ti te bo ma ngkami. Ti te bo taraaia ma taiani uea.