Taniera 1:20 - Te B'aib'ara

²⁰ E ngae ngkana e titirakiniia te uea n taian titiraki aika a kangaanga ke baika a matoatoa, ao a atai booia ni kabane, tebwina te tai rakan aia ataib'ai nakoia taani mamata, ma taan tabunea tabem'aang i nanon abanueana arei ni kabutaa.

Taniera 1:20 ပူးပေါင်းရင်းမြစ်များ

Karikani B'aai 31:7

Ao ngaia e a tia n aonikaiai ni manga bita boou tebwina te tai. Ma E kawakinai te Atua b'a N na aki ikoaki i rouna.

Karikani B'aai 41:8

Ao e a raraoma ngke a ingabong, ao e a weteia taan tabunea ni kabane ao mm'aane naba ni kabane aika taan rabakau i aon Aikubita. E tuangiia miina, ma bon akea temanna ae kona ni kab'ara nanon miina nako ina.

Neemia 4:12

E raka i aon tebwina aia bootaki Iutaia aika a kakaokoro, ake a maeka i rarikiia kairiribai ake a aki toki n anga te kakauring nakoira i bukin buakanakira irouia man itera nako ake a na buakaniira mai iai kairiribai,

Iobi 19:3

E aki tau tebwina te tai ni kamamaaeai? ma kam aki mamaa iai?

Taian Areru 119:99

I rabakau riki nakoia au tia reirei ni kabaneia, i bukin ae I iaiangoi am Taeka.

Te Otinako 7:22

Ma a kamanenaa m'aakaia taan tabunea i Aikubita ni karaoa te aekaki naba arei. Ao te uea e bon karaoa raoi are e taekinna te UEA are e rangi n taningamatoa n rawa n ongo.

Te Otinako 8:19

Ao a tuanga te uea taan tabunea b'a bon te Atua ae E karaoia. Ma n aron are E a tia n taekinna te UEA, e bon teimatoa naba n aki kan ongo te uea.

Te Otinako 8:7

Ma a kamanenaa m'aakaia taan tabunea ni karaoa te aekaki naba arei.

Itaia 19:3

“E na anaaki ninikorian Aikubita ngkana I kamangaoi aia babaaire nako. Ane a na kataia n titirakiniia aia bouannanti b'a tera ae a riai ni karaoia, ao mairouia tamneia ake a tia ni mate, ao mairouia naba taani kaiwa.

Etekiera 28:3

Ko taku n am iango b'a ko wanawana riki nakon Taniera ma n atai b'aai ni kabane:

Taniera 1:17

Ao te Atua E anganiia rorobuaka aika aman aikai te rabakau n atai nanon koroboki ma te wanawana. Ao n reitaki ma anne ao E angan Taniera te rabakau ni kab'ara nanon taiani kaotioti ma taiani mii.

Taniera 2:13

Ao e kanakoaki te taeka arei b'a a na tiringaki taan rabakau ni kabane, n ikotaki naba ma Taniera ma raona ake teniman.

Taniera 2:21

E taui aron taian tai ma taian aua; E kateia uea ao E kab'akaia naba; boni Ngaia ae E anga te rabakau ma te ataib'ai.

Taniera 5:17

E kaeka Taniera, “Kaawakina am b'ai n tangira, ke anganiia tabem'aang. N na wareka te b'ai ane e korobokiaki nakoim te uea ae ko karineaki ma

Warekaia Iteraera 14:22

ao I tuea b'a akea mai buakoia koraki aikai ae na noora te aba are I berita iai nakoia aia bakatibu b'a N na anganiia.