Taniera 1:17 - Te B'aib'ara

¹⁷ Ao te Atua E anganiia rorobuaka aika aman aikai te rabakau n atai nanon koroboki ma te wanawana. Ao n reitaki ma anne ao E angan Taniera te rabakau ni kab'ara nanon taiani kaotioti ma taiani mii.

Taniera 1:17 ပူးပေါင်းရင်းမြစ်များ

1.Uea 3:12

Ma ngaia are, N na karikiko b'a te kabanea ni wanawana i buakoia aomata aika a tia ni maiu, ao aika a na maiu rimwi n te maiu aei.

1.Uea 3:28

Ao a bane ni mimi Iteraera n aron Toromon ni motikitaeka. Ao a uringa are E a tia te Atua n anganna te wanawana ni motikitaeka n ae eti raoi.

2.Rongorongo 1:10

tamau, ao ko na anganai te wanawana. Anganai te rabakau ae I kainanoia i bukin nakoau ni uea i aon am botannaomata ae korakora aei.

2.Rongorongo 1:12

Ma ngaia ae, N na kawanawanako man anganiko te ataib'ai. Ma N na bon karikiko naba b'a te aomata ae moan te kaub'ai mani kakannato riki nakoia uea ake mai m'aaim ao akana i mwiim.

2.Rongorongo 26:5

Ana tia iango Utia bon Tekaria are e reireinna te ongotaeka iroun te Atua. Ai ngaia are, ngke e maiu Tekaria ao e kakaonimaki Utia nakon te Atua, ao e karaoia te Atua b'a e na tetekeraoi.

Iobi 32:8

Ma e mena tamnein te Atua ae m'aaka i nanon te aomata ae E ikeike, ao E angan te aomata te rabakau.

Taeka n Rabakau 2:6

A bane n roko taian wanawana mairoun te UEA ao ai uana naba ma te iangoraoi ao te ataib'ai.

Te Minita 2:26

Ngkana ti kakukureia te Atua, ao e na kawanawanaira, ma n anganiira te ataib'ai ao te kukurei. Ma ngkana ti bure, ao te Atua e na karawaawatai maiura, ao e na manga anga ara b'ai ni kabane nakon temanna are E kakukureia. Bon akea okoron aei ma kakiokioan te ang.

Itaia 28:26

A reireiniia aikai iroun te Atua.

Etekiera 28:3

Ko taku n am iango b'a ko wanawana riki nakon Taniera ma n atai b'aai ni kabane:

Taniera 1:18

Ao ngke a koro tenua te ririki ake e motikia te uea, ao e a uotiia rorobuaka akekei ni kabane Atibenati nakon Nebukaneta.

Taniera 1:20

E ngae ngkana e titirakiniia te uea n taian titiraki aika a kangaanga ke baika a matoatoa, ao a atai booia ni kabane, tebwina te tai rakan aia ataib'ai nakoia taani mamata, ma taan tabunea tabem'aang i nanon abanueana arei ni kabutaa.

Taniera 1:4

A na riai n rineaki rorobuaka aika a botonimm'aane, a wanawana, aika a tia n reireiaki raoi, a birim'aaka aia iango, ao a aki aorakibuaka rab'ataia, n te aro b'a a na tau n riki b'a ana taani m'akuri te uea. A na reiakinaki te wareware ma te koroboki ni B'aburon iroun Atibenati.

Taniera 10:1

Te kaotioti nakon Taniera i rarikin te karaanga are Taikiriti i nanon ana katenua n ririki ni uea Tairati i aon Bootia, ao e roko te rongorongo iroun Taniera, are arana naba Beretetiata. E koaua te rongorongo ma boni moan te kangaanga ataakin nanona. Ao e kab'araaki nakoina n te kaotioti.

Taniera 2:19

Ao ni bon te tairiki naba arei, ao e a kaotaki nanon te mii arei nakon Taniera n te kaotioti, ao e neboa Atuani karawa ni kaangai,

Taniera 2:21

E taui aron taian tai ma taian aua; E kateia uea ao E kab'akaia naba; boni Ngaia ae E anga te rabakau ma te ataib'ai.

Taniera 2:23

I neboiko ao I karineko, Ngkoe ae Atuaia au bakatibu. Ko a tia n anganai te rabakau ma te korakora; Ko a tia ni kaekaa au tataro, ao n tuangai nanoni miin te uea.”

Taniera 2:30

Ao ngkae e a tia ni kaotaki nako iu te kaotioti anne, tiaki i bukina ngke I rabakau riki nakoia tabeman, ma i bukina b'a e aonga n reke nanona iroum ao n oota raoi naba iango akana a roko iai nakoim.

Taniera 4:6

I kanakoa au taeka ni kaoiia au taan rabakau ni kabane ake i aon B'aburon b'a a aonga ni kona n tuangai nanon te mii arei.

Taniera 5:14

I a tia n ongo b'a e mena tamnein te Atua ae e tabu i nanom n te aro are iai iroum te konab'ai, te rabakau ao te atatai.

Taniera 7:1

I nanon ana moan ririki te uea are Beretiata i aoni B'aburon, ao I noora te kaotioti n te tairiki teuana. Ao I korea taekan te kaotioti anne, ao aio taekan

Taniera 8:1

I noora te kauoua ni kaotioti i nanon ana katenua n ririki ni uea te uea are Beretiata i aon B'aburon,

Warekaia Iteraera 12:6

Ao ngke a tia n tuangiia b'a a na kakauongo raoi, ao E taku: “Bon te UEA Ngai, ae taetae nakoia burabeti n taiani kaotioti ma taiani mii.

Ruka 21:15

B'a Ngai ae N na anganingkami te wii ae ribinewe ma te rabakau, b'a a aonga n aki kona aiami n tuuki ao ni kakewei ami taeka.

M'akuri 6:10

Ma a aki kona ni kaitaraa Tetebano n aia taeka i bukina b'a E a tia te Tamnei are Raoiroi n anganna te rabakau n taetae.

M'akuri 7:10

ao E kamaiua man rawawatana ni kabane; ao E anganna te rabakau ma te aro ae na tatangiraki iai irouni B'arao are uean Aikubita, are E rineia b'a te tia tautaeka i aon Aikubita ma ana utu ni kabaneia.

M'akuri 7:22

Ao e reirei Mote n aia rabakau ni kabane I-Aikubita, ao e riki b'a te aomata ae rangi n rabakau n te aro n taetae, ao n te m'akuri.

I-Korote 1:9

Ma ngaia ae ti aki toki naba n tataro i bukimi, man te tai are ti ongo iai taekami, ao ti aki toki ni butia te Atua b'a kam na kaonaki n ataakin nanona, ao n te rabakau ma te ataib'ai ni kabanea are mairoun te Tamnei,

Iakobo 1:17

B'aai ni kabane aika raraoi ma ni moanibaan te raoiroi boni b'aai n tituaraoi mai eta, aika ruo mairoun Taman te oota, are akea i rouna te bibitaki are e na reke mai iai te nu ae roo.

Iakobo 1:5

Ngkana akea ana rabakau temanna i buakomi, ao e na butiia te Atua ae tituaraoi, ae kukurei n anganganiia aomata ni kabaneia, ao e na bon anganaki.