Taian Areru 98:5 - Te B'aib'ara

⁵ Kam na anene n neboa te UEA! Katanga te aabi ao anene ma tangina ae tangi raoi.

Taian Areru 98:5 ပူးပေါင်းရင်းမြစ်များ

1.Rongorongo 15:16

Ao i mwiina, e tuangiia taani kairiiri Tawita b'a a na rineia kanoan Rewi tabeman b'a a na anene ma ni katangitang n taian aabi aika a uarereke, ao b'aai n katangitang riki tabeua, ao taian timbara.

1.Rongorongo 15:28

Ngke e tabe ni uotaki te Atiniberita nako Ierutarem, ao a bane aomata ni bukamaruia n takaarua ao ni katangi b'aini katangitang aika taiani konete, buu, timbara, aabi, ao b'aai ni katangitang riki tabeua ake taiani karai.

2.Rongorongo 29:25

I mwiina anne, e anganiia nneia kanoan Rewi Etekia i nanon te Tembora. E anganiia taian timbara, aabi, ao taiani b'ai ni katangtang ake taiani karai, ni kaineti ma taian kaetieti ake e a tia n anga te UEA nakon te uea are Tawita ao burabeti ake uoman, Kata ao Natan.

Taian Areru 147:7

Kam na anene ni katituaraoa te UEA; katang ami b'ai ni katangitang nakon Atuara;

Taian Areru 33:2

Katituaraoa te UEA n tangin aabi; Anene nakoina ma b'ai ni katangitang aika iai karaia.

Taian Areru 71:22

Atuau, Ko kakaonimaki nakoia am Aomata; Ma ngaia ae N na anene ma te b'ai ni katangitang n neboiko. N na katang anene n au b'ai ni katangitang nakoim, Ngkoe ae Atuaia Iteraera ae Tabu.

Itaia 51:3

E ngae ngke e uruaki Tion, E na uota te rau te UEA, ao e na rangi n taatangiraki te kaawa n ai aron te nne n aroka are Eten are E a tia ni katauraoia. Ao i mwiina, e na karaoa ana bootaki ni kukurei Tion; e na kakaaitau ao e na anenea te anene ni kukurei.

Te Kaotioti 5:8

Ao ngke E anaa te nira ni boki, ao baike a maiu ake aman, a katorobubua ni bobaraaki i matan te Tiibuteteei, ao a toa baiia n te b'ai ni katangitang ae te aabi ae te koora, ma taiani boora aika koora naba; a on baikai ni b'aai aika boiarara, ake aia tataro aomata ake a itiaki.