Taian Areru 98:4 - Te B'aib'ara

⁴ Aomata ni kabane i aonnaba, kam na anene ni kakatonga nakon te UEA; Kam na neboia n ami anene ma b'anaami ni kim'areirei!

Taian Areru 98:4 ပူးပေါင်းရင်းမြစ်များ

Taian Areru 100:1

Ngkami aomata ni kabaneingkami, Kam na bane n takaakaa ni kakatonga nakon te UEA!

Taian Areru 66:1

Kam na kanene b'anaami ni katituaraoa te Atua ma te kakatonga, ngkami aika aomata ni kabaneingkami.

Taian Areru 66:4

A bane aomata nako i aonnaba n taromauriko; A anene ni kamoamoako, A anene ni kamoamoa aram.”

Taian Areru 67:4

A na kakatonga botannaomata, ao a na anene ni kim'areirei: B'a Ko motiki taekaia aomata ma te eti, Ao Ko kairiia botannaomata nako i aonnaba.

Taian Areru 71:22

Atuau, Ko kakaonimaki nakoia am Aomata; Ma ngaia ae N na anene ma te b'ai ni katangitang n neboiko. N na katang anene n au b'ai ni katangitang nakoim, Ngkoe ae Atuaia Iteraera ae Tabu.

Taian Areru 95:1

Nako mai, ti na anene nakon te UEA! Ti na anene ni kim'areirei nakon te Atua, are kakawakinira man te kabuanib'ai!

Taian Areru 95:2

Ti na roko i matana ma te katituaraoi ao ti na anene ni kim'areirei n anene n nebonebo.

Itaia 12:6

Anene, ngkami kaain Tion! Bukamarua kakannaton UEAN Iteraera ae e tabu. E mena ikai te Atua b'a e na buokiko.

Itaia 42:11

Tuangiia baronga akana n te rereua ao aomata akana i aon taiani maunga b'a a na bootaki ni kukurei ao n anene.

Itaia 44:23

Kam na tuangiia taiani karawa ma aonaaba b'a a nang moana aia anene! Tuangiia taiani maunga ao taian aroka ni kabane n te buakonikai b'a a na ira buakon te anene! E a tia te UEA ni kamaiuia ana Aomata; ao ngkai a nang taromauria.

Ieremia 33:11

b'anaan te kukurei ao karongoaan taiani bootaki ni kukurei ma taiani baka ni mare. Ao ngkana a rin n au Tembora b'a a na anga karea i bukin kakukureiau, ao ko na ongo ae e kaangai irouia: “Ti neboiko, te UEA ae Moan te M'aaka! Ko karaoa ae e raoiroi nakoira, ao e bon aki konaa ni matebuaka Am tangira.” E na manga okira arona te aba ni kariki uaa.

Teb'ania 3:14

A bane n anene ni kukurei aomatan Iteraera ma Iuta. ma nanoia ni koaua

Mataio 21:9

Ao a takarua aomata ake a ri moana ao ake a ri mwina, ni kangai, E na neboaki Natin Tawita! E na kakab'aiaki Teuae nako mai n aran te Atua. E na neboaki te Atua!

Te Kaotioti 19:1

I mwini baikai ao I ongo te bae kanga te b'anaa ae korakora ae b'anaaia kaain te botaki ae ab'ab'aki i karawa, ae kaangai, “Neboa te UEA! Ana b'ai Atuara te kamaiu, ma te neboaki, ma te m'aaka,

Te Kaotioti 19:6

Ao I ongo te bae kanga b'anaaia kaain te botaki ae ab'ab'aki, ae kanga karongoani b'aron naao aika bati, ao kanga rebwerebweni baa aika korakora, ao a kaangai, Areruia! B'a E uea te Uea ae Atuara ae Moan te M'aaka.