Taian Areru 97:12 - Te B'aib'ara

¹² Ngkami akana kam raoiroi ni kabane, kam na kukurei i bukini baika E a tia ni karaoi te UEA! Kam na ururing baike E a tia ni karaoi te Atua are tabu, ao katituaraoia.

Taian Areru 97:12 ပူးပေါင်းရင်းမြစ်များ

Taian Areru 30:4

Kam na anene nakon te UEA, ngkami aika ana Aomata aika kakaonimaki; Uring baika E a tia ni karaoi, ao katituaraoia.

Taian Areru 30:5

E rangi ni kimototo tain unna, ma e tei maan ana akoi i aoni maiun te aomata. A waanako rannimata ni kangainaa, ma e oneaki mwina n te kakatonga n te ingabong.

Taian Areru 32:11

Kam na kukurei ma ni kakatonga, ngkami akana kam raoiroi, i bukini baika E a tia ni karaoi te UEA. Ao takaakaa ni kakatonga, ngkami akana kam ongeaba i rouna!

Taian Areru 60:6

E a tia n taetae te Atua man ana Tembora are Tabu ni kaangai, “N te tokanikai ao N na koro-m'akoroa aon Tekem ao N na tib'aa nako nanon te M'arua are Tukota nakoia au Botannaomata.

I-Biribi 4:4

Kam na kim'areirei ngkai kam reitaki ma te UEA n taai nako; ao N na manga atonga riki ae kaangai, Kam na kim'areirei.

Ebera 12:10

A reireiniira ni kaeti arora tamara aika taman rab'atara i nanon tabe bong n ai aron are a taku b'a e raoiroi i roura; ma te Atua E reireiniira b'a e bongana i bukira, b'a ti aonga ni buokanib'ai ni maiuna ae itiaki man te bure.