Taian Areru 96:5 - Te B'aib'ara

⁵ Bouananti antiia botannaomata nako, ma E karika karawa te UEA.

Taian Areru 96:5 ပူးပေါင်းရင်းမြစ်များ

Karikani B'aai 1:1

Ngke E moana te karikib'ai te Atua, ao E karika moa karawa ma aonnaba,

Taian Areru 115:15

Kam bia kakab'aiaki iroun te UEA, ae karaoa karawa ma aonnaba!

Taian Areru 135:15

A karaoaki atuaia botannaomata n taian tirewa ma koora; A karaoaki ni baiia aomata.

Taian Areru 135:18

A bia riki n ai aroia bouananti aomata akana karaoi bouananti akanne ma n onimakin.

Taian Areru 8:4

Tera te aomata, ngkai Ko m'annanoia; bon ti taian rab'ata ngaiia, ao Ko ururingiia!

Itaia 41:29

Bon akea boonganaia, ao bon akea te b'ai teuana ae a konaa ni karaoia akea manenaia nakon te ang ae e a taonnako.

Itaia 42:5

Bon te UEA Ngai ae te Atua. I karaoi taiani karawa kaanga te autinrianna ae e tangaina nako ieta. I karaoa te aonnaba ma b'ai ni kabane aika a maiu i aona. Boni Ngai boton te maiu ni baika a maiu ni kabane n te aonnaba, ma ngaia are, kakauongo nakon te b'ai ae I taekinna.

M'akuri 19:26

Ao kam noria, ao kam ongo, b'a tiaki ti i Ebeto ae e kairoroia ma n anai nanoia iai aomata teuare B'auro, ma e kuri ni kabuta aon Atia, n taku b'a tiaki atua baika karaoaki ni baiia aomata.

1.I-Korinto 8:4

Ma ngaia are i bukini ngkanne kanakin am'arake ake karea nakoni bouannanti, ao aei taekana: ti ataia b'a akea te bouannanti ae maiu i aonnaba, ao bon ti temanna te Atua ni koaua, ao akea riki.