Taian Areru 96:4 - Te B'aib'ara

⁴ B'a E kakannato te UEA, ao E riai n rangi ni kamoamoaki; E na makaki riki nakoia anti ni kabaneia.

Taian Areru 96:4 ပူးပေါင်းရင်းမြစ်များ

2.Rongorongo 2:4

I a karaoa ngkai ana Tembora te UEA ae Atuau are e na taromauriaki iai. A na kabuokaki iai taian b'ai ni kaboiarara, ao e na anganaki iai te kariki are e tabu. A na anga karea nakon te UEA taan taromauri ni katoa ingabong ao tairiki, ni katoa Taabati, ao ni katoa te Toa ae Moan Otin Nam'akaina, ao ai arona naba ma taian toa ni kabane. A na karaoaki b'aai aikai n taai nako n aron are E a tia n baaireia te UEA.

Neemia 9:5

Ao i mwiina, ao a taku kanoan Rewi, Ietua, Katemiera, Bani, Atiabeneia, Oria, Tebania, ao Betaia: “Teirake ao takaarua n nebonebo nakon te UEA, te Atua ae akea tokina! Neboa arana ae e kamimii, e korakora riki nakon ae e konaa ni kab'arab'araaki n te taeka.”

Taian Areru 145:3

E kakannato te UEA, ao E riai ni kabatiaki kamoamoana; Akea temanna ae ataa aroni kakannatona ni kabane.

Taian Areru 150:2

Kam na kamoamoaa i bukin ana m'akuri aika korakora. Kam na kamoamoaa i bukini kakannatona ae akea n ai arona.

Taian Areru 18:3

I wetea te UEA, ae ana b'ai te neboaki, b'a E kamaiuai mairouia taan ribaai.

Taian Areru 48:1

E kakannato te UEA, ao E na bati ni karaoiroaki n ana kaawa are maeka iai, i aon ana Maunga are tabu.

Taian Areru 66:3

Kam na kaangai nakon te Atua, “Ai kamimiira am M'akuri aika Ko karaoi! E korakora M'aakam, ma ngaia ae a bobaraaki aiam i m'aim b'a a makuko.

Taian Areru 66:5

Kaaraki, noori baika kamimii, aika ana m'akuri te Atua i buakoia aomata.

Taian Areru 76:7

Ma Ngkoe, te Atua, Ko makaki irouia aomata ni kabaneia. Akea temanna ae kona n tei i matam ngkana Ko un.

Taian Areru 86:10

Ko kakannato ao Ko karaoi baika kamimii; Bon ti Ngkoe te Atua.

Taian Areru 89:7

E korakora makakim irouia kaain te kauntira i karawa; Ko kakamaaku nakoia ake a mena i rarikim.

Taian Areru 95:3

B'a bon te Atua ae kakannato te UEA, ao E m'aaka i aoia atua ni kabaneia.

Te Otinako 18:11

I a bon ataia ngkai b'a E boni korakora riki te UEA nakoia atua nako, i bukina ngke E karaoa aei ngke a karaoa te m'akuri ae buakaka kaain Aikubita nakoia Iteraera.”

Ieremia 5:22

riai n taromauriai ma te maaku ma n ruru? Boni Ngai ae I karaoa te bike are tokin te marawa. A na b'aro nao i aon te bike, ma bon ti tokiia anne.

Taniera 2:47

E taku te uea, “Bon te kabanea ni korakora Atuam i aoia atua ni kabane, ao te UEA i aoia uea, ao boni Ngaia ae E kaoti taiani kaotioti. I ataa aei i bukina ngke ko kona ni kab'ara nanon te kaotioti aei.”

Ruka 12:5

Ma N na tuangngkami ae kam na makua: kam na maaka Teuare kona n tetewe nako Keenna, ngkana E a tia n kamaamate; eng, I tuangngkami b'a kam na makua.

Te Kaotioti 15:4

Ai antai ae na aki maaku iroum, Te Uea, ma n aki neboa aram? B'a ti Ngkoe ae Ko tabu. A na bane n roko botannaomata nako n taromauriko, b'a a tia n noraki am Babaire aika eti.”

1.Tamuera 4:8

Ti a bon reke n te kangaanga ae moan te ab'ab'aki! Antai ae kona ni kamaiura mairouia atua aika m'aaka akekei? Bon taian atua naba ake a karaoi b'aai aika kakamaamate ngkoa nakoia kaain Aikubita i nanon te rereua.