Taian Areru 96:2 - Te B'aib'ara

² Kam na anene nakon te UEA, n neboia; Kam na katanoata n te bong ae koraki taekani kamaiuan te aba i rouna.

Taian Areru 96:2 ပူးပေါင်းရင်းမြစ်များ

1.Rongorongo 29:20

Ao e a manga taku Tawita nako ia aomata, “Ami tai ngkanne n neboa te UEA, are te Atua are a tataromauria ami bakatibu!” Ma ngaia are, a bane aomata n neboa te UEA, ao a bobaraaki ni karinea ma aia uea are Tawita.

Taian Areru 103:20

Karaoiroa te UEA, ngkami aika anera aika kam korakora, Aika kam ongeaba nakon ana taeka ao kam ongora n te bae E taekinna.

Taian Areru 145:1

N na neboiko, Atuau, ae te Uea; N na kamoamoako n aki tootoki.

Taian Areru 145:10

Te UEA, a na bane n neboiko am kariki-b'ai, ao a na bane am aomata ni katituaraoiko.

Taian Areru 145:2

N na kamoamoako n te bong ae koraki ma n neboiko n aki tootoki.

Taian Areru 40:10

I aki karaba taekan am Kamaiu ni kainna i nanou; I tataekina am Kakaonimaki ma kamaiuan te aba iroum. I aki karaba taekan am Kakaonimaki ma am Atataiaomata nakoia am Aomata n aia tai ni bootaki.

Taian Areru 71:15

N na aki toki n tataekin taekani baika raraoi ake Ko a tia ni karaoi, ma taekani kamaiuaia am Aomata iroum, e ngae ngke e ri aon au atatai.

Itaia 40:9

Bon iai te rongorongo ae e raoiroi i bukin te kaawa ae e buubura ae Tion Takaaruaia n tokin korakoran b'anaam mai taubukin te maunga ae te kabanea n rietaata ni maunga. Ko na aki maaku n takaarua nakon kaawan nako Iuta, “E mena te Atua ikai!”

Mareko 16:15

Ao E taku nako ia, Kam na nako n taabo nako ao tataekina te euangkerio nakoia kaain aonnaba ni kabaneia.

M'akuri 13:26

Mm'aane, taari, ngkami akana kam riki mairoun Aberaam! Ao akana maaka naba te Atua i buakomi, e kanakomaiakaki taekan te kamaiu aei nako ira.

I-Ebeto 1:3

E na karaoiroaki te Atua are Taman ara UEA are Iesu Kristo, are E kakab'aiaira iroun Kristo ni b'aai ni kakab'aia ni kabane ake mai Rouna, ake b'aini karawa.

Te Kaotioti 5:13

Ao I ongo b'anaani baika karikaki ni kabane ake i karawa, ao i aonnaba, ao i aantano, ao ake i marawa, ma baike i nanoia ni kabane, b'a a kaangai: “Ana b'ai te Tiibuteteei ma Teuare tekateka i aon te kaintokanuea te karaoiroaki, ma te karineaki, ma te neboaki, ma te tautaeka, n aki totoki!”