Taian Areru 96:10 - Te B'aib'ara

¹⁰ Kam na kaangai nakoia botannaomata nako, “E uea te Atua! E tei n nene ni nena aonnaba n aki kona ni kam'aingaki; E na motiki taekaia botannaomata ma te eti.”

Taian Areru 96:10 ပူးပေါင်းရင်းမြစ်များ

Taian Areru 126:2

Ti ngarengare, ao ti anene ni kim'areirei! Ao a kaangai taekara irouia botannaomata, “E karaoi baika ab'ab'aki te UEA i bukiia ana aomata.”

Taian Areru 18:49

Ma ngaia ae N na karaoiroiko, te UEA i buakoia botannaomata, Ao N na anene ni kamoamoako.

Taian Areru 46:10

E kaangai te Atua, “Katoki ami buaka, Ao kam na atai b'a te Atua Ngai, ae kakannato i buakoia botannaomata nako, ao I rine i aonnaba ni kabutaa.

Taian Areru 46:6

A kiriwe botannaomata b'a a maaku, a nako buaka waaki n tautaeka n aaba ake iai ueaia; E taetae te Atua n te b'anaa ae korakora, kanga ai aron rebwen te baa, ao e riki n ran aonnaba.

Taian Areru 58:11

Ane a na kaangai iai aomata, “Iai booni mwin aia m'akuri aomata akana raoiroi ae e na reke i rouia; bon iai te Atua ae te tia motika taekan aon te aba.”

Taian Areru 59:13

Ko na kamateia n unim, n akea ae na tiku ni maiu; Ao ane a na ataia aomata nako b'a E tautaeka te Atua, i aoia Iteraera ao ana tautaeka e raababa nako nakon ni kabutaa aonnaba.

Taian Areru 67:4

A na kakatonga botannaomata, ao a na anene ni kim'areirei: B'a Ko motiki taekaia aomata ma te eti, Ao Ko kairiia botannaomata nako i aonnaba.

Taian Areru 7:9

Bon te Atua ae ko raoiroi ngkoe ae ko motiki taekan ara iango ma nanora. Katoki aia m'akuri aomata aika buakaka ao kakab'aiaia akana a kaakaraoa ae e raoiroi.

Taian Areru 9:8

Ko motika taekan te aba n akea te nanonano, ao Ko karaoa te riai nakon te botannaomata.

Taian Areru 9:9

Bon te tabo ni kamaiu te UEA i bukiia akana a karawaawataaki, ao bon te nne ni kamanomano ni bongin te rawaawata.

Taian Areru 93:1

E uea te UEA. E kunnikaia n niiniiran te uea, ao E korakora m'akana. E tiku raoi ni matoatoa ni nena aonnaba ao e aki kona ni kam'aingaki.

Taian Areru 96:13

Ngkana E roko te UEA n taua taekan aonnaba. E na tautaekaniia aomata nako i aonnaba n te eti ma te aki nanonano.

Taian Areru 98:9

I bukina b'a E roko n tautaekana te aba. E na tautaeka i aoia aomata nako i aonnaba n te eti ma te aki nanonano.

Itaia 49:8

Aei ana taeka te UEA: N na kaekai am tataro b'a I a tia n namata te tai are N na i buobuoki iai ngkana I roko ni kamaiuko. I a tia n rineiko b'a ko na uota au berita i bukin te kaantaninga nakoia botannaomata ni kabane. Ko na manga karaoa te aba ma b'aina nako ake a uruaki, ao ane a na roko aomata ni maeka ikekei.

Itaia 52:7

Ai kakatekera taraan te tia uarongorongo ri aoni maunga ae e touakina ae e kaangai nako Ierutarem, “Te rongorongo ae e raoiroi! Kam a kamaiuaki. E nang roko te rau. E a UEA ngkai Atuami.”

Taniera 2:44

E na manga kateirakea te tautaeka teuana ae akea tokina Atuani karawa i nanon aia tai uea aikai. Te tautaeka ae e na bon aki manga konaaki, ma e na boni kamaunai tautaeka nako, ao e na bon teimatoa.

Maraki 1:11

E neboaki arau man te karangaina ni karokoa te airoo irouia botannaomata ni kabane n te aonnaba, ngkana a kabuoka te b'ai ni kaboiarara ma n anga te karea ae e boni kaantaningaaki nako iu.

Maraki 1:14

Kam anga n onei mwiin maan aika a kariaiakaki ake kam a tia ni berita iai nako iu, maan aikai aika a aki marurung. N na bon katuaaingkami i bukin aei, i bukina ngkai bon te Uea Ngai ae I kakannato, ae te UEA ae Moan te M'aaka, ae I taromauriaki irouia botannaomata n taabo nako.

Mataio 3:2

ao e taku, “Rairi nanomi, b'a e a kan roko Uean te Atua!”

M'akuri 17:31

i bukina b'a E a tia ni motika te bong are E nang kaeti iai taekaia kaain aonnaba n te raoiroi iroun te Aomata are E a tia n rineia; ao E kaota koauana nakoia aomata ni kabaneia, ngke E a manga kamaiua mai buakoia maate.

I-Karatia 1:16

b'a E na kaota Natina i rou, b'a I aonga n tataekinna i buakoia aomata aika tiaki I-Iutaia, ao I aki iango ma temanna ngkekei naba;

I-Korote 2:7

A na nene wakaami i Rouna, ao karikia b'a aani maiumi. Kam na kateimatoaki n ami onimaki, n te aro are kam reireiaki iai, ao kam na kabatia te katituaraoi.

Ebera 1:3

Ngaia raneaneani mimitongin te Atua, ao katotongan arona ni koaua; ao E kateimatoai b'aai ni kabane aika karikaki b'a a na waki n aroia n ana taeka ae m'aka. Ngke E a tia ni kaitiaki buure, ao E tekateka i angaatain te Atua are M'aka i eta;

Te Kaotioti 11:15

Ao e katanga ana bu te anera are te kaitiman; ao b'anaa aika korakora i karawa a kaangai, “Ana b'ai ara Uea ma ara Kristo te m'aaka n tautaeka i aonnaba; ao ane E na uea n aki totoki.”

Te Kaotioti 19:11

Ao I nora karawa b'a e uki; ao noria, te aoti ae mainaina! Ao aran teuare toka i aona boni Kakaonimaki ao Koaua; E aki ribuaka n ana moti, ao E aki naba ngkana E buaka.

Te Kaotioti 19:6

Ao I ongo te bae kanga b'anaaia kaain te botaki ae ab'ab'aki, ae kanga karongoani b'aron naao aika bati, ao kanga rebwerebweni baa aika korakora, ao a kaangai, Areruia! B'a E uea te Uea ae Atuara ae Moan te M'aaka.