Taian Areru 95:8 - Te B'aib'ara

⁸ “Kam na tai kamatoatoai nanomi, n ai aroia ami bakatibu ngkoa i Merib'a, N ai aroia n te bong arei n te rereua i Mata,

Taian Areru 95:8 ပူးပေါင်းရင်းမြစ်များ

Te Otinako 17:2

A ngurengure nakoni Moote ao a taku, “Ko na anganiira te ran b'a ti na mooi.” Ao e taku Moote, “E aera ngkai kam a ngurengure? E aera ngkai kam kataa te UEA?”

Te Otinako 17:7

Ao e aranaki te tabo arei b'a Mata ao Merib'a, i bukina ngke a ngurengure Iteraera, ao a kataa te UEA n aia titiraki ae kaangai, “E boni memena i roura te UEA ke E aki?”

Te Otinako 8:15

Ma ngke e nooria te uea b'a nako raoi b'aai nako, ao e a manga okira naba arona n aron are e a tia n taekinna te UEA ao e kamatoatoaa nanona n rawa n ongo iroun Moote ma Aaron.

Taniera 5:20

Ma i bukina ngke e a manga kainikatonga ma n taningabono, ao n tiritiri, ao e a kam'awaki man ana kaintokanuea ao e bua nnena ni karineaki.

Warekaia Iteraera 14:11

Ao E taetae te UEA nakoni Moote ni kaangai, “I a tia ni karaoi b'aai aika a ab'ab'aki i bukiia aomata aikai, ao a rawa i Rou ngke a aki onimakina m'aakau.

Warekaia Iteraera 14:22

ao I tuea b'a akea mai buakoia koraki aikai ae na noora te aba are I berita iai nakoia aia bakatibu b'a N na anganiia.

Warekaia Iteraera 14:27

b'a a na anga ana rongorongo nakoia Iteraera ae kaangai:

Warekaia Iteraera 20:13

A tia ni ngurengure aomata nakon te UEA, ao E a tia ni kaota m'aakana ae tabu ngke E anganiia nimaia te ran. Ma ngaia are, a arana te tabo arei b'a Merib'a are nanona “Ngurengure.”

M'akuri 19:9

Ma ngke a matoatoa nanoia tem'angina n rawa ni kan ira nanona, ma ni kabuakaka i mataia aomata ana kaantaninga te UEA i bukin te kawai are a riai n toua, ao e nako mai rouia. E kairiia nako reirei ni kaokoroia, ao e reirei n te bong ae koraki n ana ru n reirei Turano.

I-Rom 2:5

Ma ngkai a matoatoa nanomi n rawa ni kani kaetaki, ao kam kaikoa te un nakoimi nakon te bong are e na kaotaki iai unin te Atua ma ana motiki-taeka ae eti.

Te Tua-Kaua 6:16

ma ngaia are, kam na aki kataia ni kakoaua b'a E kona ni buokingkami n aron are kam karaoia ngkoa i Mata.

Ebera 12:25

Kam na tarataraingkami b'a kam na aki rawa nakon Teuare taetae. B'a ngke a aki kona n rawei maiuia ake a rawa nakon Teuare taetae i aon te aba, ao ti bon aki kona n rawei maiura ngaira aikai ngkana ti tan nako mairoun Teuare taetae mai karawa!

Ebera 3:13

Ma kam na i kaungaingkami n te bong ae koraki, ngkae e atongaki b'a Te bong aei; b'a e kawa temanna i buakomi ni m'am'anaki n te bure ao e riki ni matoatoa iai nanona.

Iuta 1:5

B'a e boni ngae ngke kam atai taekani baikai ni kabane, n te tai ae ti teuana, ma I kani kauringkami, b'a te Uea E kamaiuia te botannaomata ae Iteraera man te aba are Aikubita, ao rimwi E kamateia ake a aki onimaki.

1.Tamuera 6:6

Kam na aki riki kaanga aroia kaain Aikubita ma aia uea. A taningabono, ao ngke E a tia te Atua ni karawawataia, ao a kanakoia Iteraera.