Taian Areru 95:6 - Te B'aib'ara

⁶ Nako mai, ti na bobaraaki n taromauria; ti na katorobubua i matan te UEA ae te tia karikira!

Taian Areru 95:6 ပူးပေါင်းရင်းမြစ်များ

1.Uea 8:54

Ao ngke e bane ana tataro Toromon n te baonikarea, ao e katorobubua ma baina aika e tabeki rake nako karawa. E teirake,

2.Rongorongo 29:28

ao a bane aomata n taromauriia te UEA. E reitinako ni karokoa karaoan te angakarea i aon te kabanea ni man.

2.Rongorongo 29:29

I mwiin anne, ao Etekia ma taan taromauri a katorobubua man taromauriia te UEA.

2.Rongorongo 29:30

Ao i mwiina, a anga aia taeka Etekia ma ana mataniwi nakoia kanoan Rewi b'a a na anenei taian anene n nebo ake e a tia ni koroi Tawita ma Ataba are te burabeti. Ao a bobaraaki ao a kukurei n anenei kuuna n nebo nakon te UEA.

2.Rongorongo 6:13

Ao e tei Toromon i aon te b'ai are e rietaata arei n kaaitaraa te baonikarea ao a bane n tei aomata i a kuuna. Ao i mwiina, e katei baina nako karawa; e katorobubua

Etira 9:5

Inanon tain te angakarea n te tairiki anne, ao I bon tekateka naba n nanokawaki ma kunnikaiu ake a raeuaaki. Ma ngaia are, I a katorobubua ao I tabeki baiu,

Iobi 35:10

Ma aki rairaki nakon te Atua are te Tia karikiia, are boni Ngaia ae anganiia te kaantaninga i nanon aia aoa aika rotongitong.

Taian Areru 100:3

Kam na ataa te UEA b'a bon te Atua Ngaia. Boni Ngaia ae karikira, ao ana b'ai ngaira; Bon ana Aomata ngaira, aika E kakawakinira b'a kanga ai aroia tiibu.

Taian Areru 119:73

Ko karikai, ao Ko kawakinai raoi; kawanawanaai b'a I aonga n reireiai am Tua.

Taian Areru 139:13

Ko kariki b'ain nanou; Ko kariki b'ain rab'atau i nanoni biroton tinau.

Taian Areru 149:2

Kam na kukurei, ngkami te botannaomata ae Iteraera, i bukin ami Tia Kariki-b'aai; Kim'areirei, ngkami kaain Tion, i bukin ami uea!

Taian Areru 72:9

Ane a na bobaraaki i matana ni karinea akana maeka n te rereua; Ane a na tae aia kai taan ribaia.

Taian Areru 95:1

Nako mai, ti na anene nakon te UEA! Ti na anene ni kim'areirei nakon te Atua, are kakawakinira man te kabuanib'ai!

Te Otinako 20:5

Kam na aki bobaraaki nakoia bouannanti; ke n taromauriia, b'a bon te UEA ae Atuami Ngai, ae I taua ni nne i roumi. I katuaaia naba te koraki ake a ribaai ni karokoa naba kanoaia rikaaki, nakon te katenroro ao te kaaroro.

Te Minita 12:1

Ururinga am Tia Karikib'ai mangkai ko uarereke! Ane ko na kaangai n ririki aika a na roko ngkana ko taonaki n te kaangaanga, “Bon akea kukureiu n te maiu aei.”

Itaia 17:7

Ane a na tanrikaaki aomata n te tai anne n onimakina te Tia Karikib'ai, Atuan Iteraera ae e tabu.

Itaia 44:2

Bon ami tia karikib'ai Ngai. I tararuaingkami ngke kam tuai naba bungiaki. Iteraera, kam na aki maaku! Bon au tia m'akuri ngkami ae kam rineaki, maamaten nanou.

Itaia 54:5

E tautaekana te aonnaba ni kabane te UEA ae Moan te M'aaka ae Atuaia Iteraera ae e Tabu. Bon te tia karikiko ao buum, ao e na bon kamaiungkami.

Itaia 64:8

bon Tamara Ngkoe te UEA. Bon ti taian m'angko taano ngaira, ao Ngkoe te tia karao m'angko n taian tano.

Taniera 6:10

Ao ngke e ataia Taniera b'a e a tia n tiainaaki te tua arei, ao e a nakoni mwengana. Ao iai wintoon ana auti ae e uki ni kaitaraa Ierutarem. Ao e nako ni katorobubua i matan te winto, ao e tataro nakon te Atua. E tataneiai n tataro tenua te tai n te bongina.

Otea 6:1

Ti a okira te UEA. E a tia n raeraeira ni kauarerekeira, ma E na kabaei ikoakira ao E na manga kamarurungiira.

Otea 8:14

Iteraera, I karikingkami, ma kam m'aninga taekau. Ko karaoi taian bareti ngkoe ma Iuta ao kaawa aika a matoatoa. Ao ngkai N na kanakoa te ai b'a e na urua ami kaawa nako ma taian nono.

Mataio 4:2

ao E aki mamatam angaun te ngaina ao angaun te bong, ao rimwi E baki.

Mataio 4:9

ao e taku nako Ina, “N na anganiko baikai ni kabane ngkana Ko katorobubua ni bobaraaki n taromauriai.”

Mareko 14:35

Ngke E nako riki teutana ao E b'aka i aontano, ao E tataro b'a ngkana e konaaki, ao E na aki rin i nanon te aoa are E na karawawataaki iai.

Ruka 22:41

Ao E kam'awa mai rouia n te raroa ae tao e roko iai te atibu ngkana e kareaki, ao E katorobubua n tataro, ao E kangai,

Ioane 1:3

E kariki b'aai ni kabane te Atua i rouna; ao ngke tao akea Ngaia, ao e aki karikaki te b'ai teuana ae karikaki.

M'akuri 20:36

Ngke e a tia n atongi baikai, ao e katorobubua ma aia koraki ni kabaneia, ao e tataro.

M'akuri 21:5

Ao ngke a bane ara bong i Turo, ao ti m'ananga n nako. A bakaborauira te koraki arei ma buuia ma natiia nako tinanikun te kaawa; ao ti katorobubua i aon te bike, ao ti tataro.

M'akuri 7:60

Ao e katorobubua, ao e taetae n te b'anaa ae korakora ni kaangai, “Te UEA, kab'ara aia bure n te b'ai ae a tia ni karaoia.” Ngke e a tia n atonga aei, ao e matu.

1.I-Korinto 6:20

B'a kam kaboaki, ao e a tia ni b'aka boomi; kam na neboa te Atua n rab'atami.

I-Ebeto 3:14

I bukin aei ao I katorobubua nakon Tamara,

I-Biribi 2:10

b'a a aonga ni bane te koraki ake a mena i karawa, ma ake i aon te aba, ma ake i aan te aba, ni katorobubua ni karinea aran Iesu;

1.Betero 4:19

Ma ngaia aei, b'a akana maraki, ngkai bon nanon te Atua i bukiia, ao a na mwiokoi maiuia n aroia ni karaoa ae e raoiroi iroun te Tia Karikiia ae kakaonimaki.

Te Kaotioti 22:17

Ao E kaangai te Tamnei are Raoiroi, ma te aine are a tib'a mareaki, “Mai.” Ao ane ongo e na kaangai naba, “Mai.” Ao ke e nako mai ane kani moi; ao ke e anaa te ran ni maiu ane kan anaia, n aki kaboa.

Te Kaotioti 22:8

Boni ngai, ae Ioane, ae I ongo ma n noori baikai. Ao ngke I ongo ma n noori, ao I katorobubua ni bobaraaki i rarikini waen te anera are kaoti baikai nako iu.