Taian Areru 94:23 - Te B'aib'ara

²³ E na kareke kaiia i bukin aia m'akuri aika bubuaka, Ao E na kamaunaia i bukin aia bure; A na kamaunaki iroun te UEA ae Atuara.

Taian Areru 94:23 ပူးပေါင်းရင်းမြစ်များ

2.Uea 19:7

N na kab'araa nanona n taiani maningongoo i bukin ana kaawa. Ane e na oki, ao N na karaoia b'a e na mate ikekei n te mate ae e rangi ni kakamaaku.

Etita 7:10

Ao e anaaki Aaman ni kabaeaki roroana i aon te kainikabaeroroa are e na kabaea iai roroan Morotekai, ao e a toki unin te uea.

Etita 9:25

Ma e nako Nei Etita ni kawara te uea, ao te uea e katanoataa ana taeka are e na karawaawataaki iai Aaman i bukin ana babaaire nakoia I-Iutaia, ao e tiringaki ma natina m'aane ni kabaeaki roroaia i aon te kainikabaeroroa.

Taian Areru 109:20

Te UEA, kareke kaiia aiau n te aro anne ake te koraki ake a atong taeka aika ribuaka i buku!

Taian Areru 12:3

Te UEA, katokiia aomata man aia taetae ni karang, Ao kaini wii ake a taetae ni kainikatonga, ake a kaangai,

Taian Areru 55:23

Ma Ngkoe, te Atua, Ko na kariniia taan tiritiri ma taani b'anga ni kewe ruanimateia i m'ain banen iteran aia bongi ni maiu. Ao ngai N na onimakiniko.

Taian Areru 64:8

E na kamaunaia i bukin aia taeka akekei; Ao a na bane ni katoutou atuia akana noriia.

Taian Areru 7:16

B'a e na boni b'akaraki ni mwin oin ana m'akuri ae e buakaka, ao e na ikoaki ni mwin oin ana iowawa.

Taeka n Rabakau 1:31

“Ngkai kam nang boni kana uaan te b'ai ae kam a tia ni karaoia ni karokoa te tai are kam a onrake n te b'ai ae kam a tia ni baaireia.

Taeka n Rabakau 14:32

A uruanaki aroia aomata aika a buakaka n tain te kangaanga; ma e bon teimatoa naba n onimaki ane akea ana bure n tain te mate.

Taeka n Rabakau 2:22

Ngkana ko karaoa ae e bure ao ko na bon aki manga konaa ni kakoauaaki, ko na bon kouwakaaeaki.

Taeka n Rabakau 5:22

A m'ane taani bure ni bon oin aia m'akuri ake a tia ni karaoi.

Taeka n Rabakau 5:23

A bua mani mate i bukin nanobabaia ao mamaaran tauan aroia i bon irouia.

Ieremia 36:31

Ko buakaka ngkoe ma natim, ao am taani m'akuri, ao N na katuaaingkami ni kabane. I kauringkami ma kaain Iuta ao kaain Ierutarem ngkoa b'a N nang karokoa te kabuanib'ai, ma bon akea mairoumi ae e kan ongo. Ma ngaia ae ngkai kam a reke n te kaangaanga!

Etekiera 18:24

Ma ngkana a moana karaoan te bure aomata ma ni karaoi m'akuri aika a rangi n ribaaki, a na kamaiuaki? A na aki! E na m'aninga te aba taekan aia m'akuri aika a raoiroi aika a tia ni karaoi, ao a na tiringaki i bukin aia bure nako.

Taniera 7:24

Taiani koro ake tebwiina bon taiani uea ake a na tautaeka n te tautaeka anne. Ma ane e na manga kaoti te uea temanna; ao e na bon rangi ni kaokoro ma ake mai m'aiina, ao e na kab'akaia uea akana teniman.

Taniera 9:26

Ao n tokin te tai ane onobwi ma uoua te ririki, e na tiringaki ana tia kairiiri te Atua n te aro ae e aki eti. E na kamaunaaki te Tembora ma kaawa iroun ana taanga ni buaka te tia tautaeka ae e korakora. E na roko te toki n ai aron te ieka, ma uotana are te buaka ma te urub'ai are e a tia ni katauraoia te Atua.

Tani Motiki-taeka 9:57

Ao E katuaaia naba kaain Tekem i bukina ngke a boutokaa Abimereka. A bane ni koro bukin ana taeka ni kamaraia Iotam.