Taian Areru 94:21 - Te B'aib'ara

²¹ Akana bootaki ni kario iango b'a a na kam'aruaia akana raoiroi, Ao a motiki taekaia akana aki bure b'a a na kamateaki.

Taian Areru 94:21 ပူးပေါင်းရင်းမြစ်များ

1.Uea 21:19

Ko na nako n tuangnga au taeka ae e kaangai, “Aaba ko tiringa Naabota ao ko anaa ana b'ai. Ma ngaia are, n te tabo are e neweneweaki iai raraan Naabota irouia kamea, ao e na manga neweneweaki naba iai raraam.” Ao ngke e reke iroun Eria,

2.Rongorongo 24:21

E m'aninga Ioati ae bon te rao ae e a tia n rangi ni kakaonimaki taman Tekaria. Ma ngaia are, ngke a iangoa tiringakin Tekaria kaain Iuta, ao e bon raoniia naba Ioati ma n anga taiani babaaire b'a e na kareaki n atiibu ni karokoa matena i nanon katawanangin te Tembora.

Taian Areru 106:38

A kamateia natiia aika akea aia bure, ao e kam'araeaki aon te aba i bukini m'akuri n tiritiri aikai.

Taian Areru 22:16

A otab'aniniai te bootaki n aomata ae buakaka b'a kanga ai aroia kamea; a ewari baiu ma waeu.

Taian Areru 56:6

A bootaki ni karabaia, Ao a taratarai nako baika I karaoi, ma nanoia ni kani kamateai.

Taian Areru 59:3

Ao noriia, akana karabaia n tataninga b'a a na kam'aneai ni kamateai. Akana botiia aia koraki ni kakam'arua b'a a na kamateai. B'a akea te bure ke te kaairua ae I a tia ni karaoia,

Te Otinako 23:7

Kam na aki anga te tuua ae e kairua nakoia aomata nako ke n anga motikan te aomata ae akea ana bure b'a e na tiringaki. N na bon aki kab'araa ami bure ngkana kam karaoa aei.

Taeka n Rabakau 1:11

ngkana a kaangai, “Nakomai! Ti a katea ara kaeng ao ti a tiringiia aomata b'a ti na ngare iai!

Taeka n Rabakau 1:16

A rangi ni waekoakoa nakon karaoan te bure, ni karokoa naba bon te tiritiri.

Taeka n Rabakau 17:15

E aki tangiria aika a kamaiuia taani bure te UEA ke ni kabuakakaia aika akea aia bure.

Ieremia 26:15

Ma ngkana kam kamateai, ao a na bane n reke kaain Ierutarem n te bure n tiringa te aomata ae akea ana bure, i bukina b'a bon mai roun te UEA b'aai ni kabane aika I taekin.

Etekiera 22:12

Iai tabeman maibuakomi aika a butim'aea te m'ane i bukin tiringan temanna. A manga bon kabuuburai bakaon taian roun am aomata nakoia raoia n Iteraera, ao a kaub'ai n aia m'akuri ni keweakiia tabem'aang. Ao ae e rangi ni buakaka riki, kam a tia ni m'aninga taekau, ae te UEA ae te Atua.

Etekiera 22:27

Ti te bo mataniwiin nako Iteraera ma taian kameanti aika a tiritiri, aika raebitii konaia n aki akaaka. A maiuakina te maiu ae e buakaka n aroia n kaikoakiia ma n tiringiia aomata.

Etekiera 22:6

A kabonganai oin m'aakaia taani kairiiri n tiritiri.

Taniera 6:8

Ma ngaia ae ko na karaoa te tua aei te uea, ao ko na tiainaia, ao e na kamatoaki ni kaangai, aia tua kaain Miria ma kaain Bootia ae e aki kona ni bitaki.”

Mataio 27:1

Ngke e a tib'a ingabong, ao ibonga ake mataniwi ma aia unimm'aane aomata a iangoa aron Iesu b'a a na kamatea.

Mataio 27:4

ao e taku, “I a tia ni bure ngke I kam'anea te aomata ae akea ana bure.” Ao a taku, “Tera ara b'ai iai? Ai bon am b'ai anne!”

M'akuri 7:52

Antai i buakoia burabeti ae aki b'ainikirinaki irouia ami bakatibu? Boni ngaiia ake a tiringiia uake a kaman tataekina rokon Teuare Raoiroi, are Ngaia are kam a tia ngkai ni kam'anea ao kam tiringnga.

Iakobo 5:6

Kam motika taekan te aomata ae akea ana bure ni kaburea; ao kam kamatea; ao e aki rawa nakoimi.

Te Kaotioti 17:6

Ao I nora te aine arei b'a e manging n raraaia aomata ake a itiaki, ma raraaia ake a kamateaki i bukin onimakinan Iesu. Ngke I nora neierei, ao I rangi ni mimi.