Taian Areru 94:2 - Te B'aib'ara

² Te tia motiki taekaia aomata Ngkoe; Tei rake, ao anganiia akana kainikatonga rekeni kaiia ni kaeti ma baike a karaoi.

Taian Areru 94:2 ပူးပေါင်းရင်းမြစ်များ

Karikani B'aai 18:25

Ko na bon bae n aki kona n tiringiia aomata aika akea aia bure ma aomata aika taani bure. E bon aki kona ni karaoaki anne. Ko aki kona ni karaoa anne. Ngkana Ko karaoa anne, ao ane a na mauna nako naba iai aomata aika akea aia bure i rarikiia taani bure. E bon aki kona ni karaoaki anne. E na bon karaoaki te motikitaeka ae eti n te aonnaba aei ni kabane.”

2.Rongorongo 20:12

Ko aki katuaaia? Ti bon aki konaa ni kaaitaraa te taanga ni buaka aei ngkana e buakaniira. Ti aki ataia naba b'a tera ae ti nang karaoia—ti buubutiiko am buobuoki.

Taian Areru 31:23

Kam na bane n tangira te UEA, ngkami akana ana Aomata akana onimakinna; E kawakinia akana kakaonimaki te UEA, Ma E kabatia kain ane kainikatonga.

Taian Areru 50:6

A kaotiota raoiroin te Atua taiani karawa: B'a bon te tia motiki-taeka Ngaia.

Taian Areru 68:1

E teirake te Atua ao E kauamaenakoia aiana. A biri nako akana ribaia b'a a maaku.

Taian Areru 7:6

Te UEA, Ko na un; Karaoa te m'akuri teuana! Eekinakoia au kairiribai. Ao taraia b'a e na karaoaki te kaetitaeka ae eti.

Taian Areru 74:22

Te Atua, teirake, ao taetae i bukim! Uringiia aomata ake akea karineam irouia ni ngareakiniko n te bong koraki.

Taian Areru 82:8

Te Atua, nako mai, tautaeka i aonnaba; B'a bon am B'ai Botannaomata nako.

Itaia 10:12

E na karaoa te b'ai are e a tia ni baaireia te UEA nakon Ierutarem ao te Maunga are Tion. Ao i mwiina, e na katuaaia uean Turia aika kainikatonga mani kamoamoa,

Itaia 2:17

Ngkana e roko te bong anne, ao a na bane aika a kamoamoa ni kab'akaaki. Bon ti te UEA ae e na neboaki.

Itaia 37:23

Tennakeriba, ko a kamaraiaaki, ko takaarua, ao ko ngare ni kakaniko nako iu, Ngai ae Atuan Iteraera ae e tabu.

Itaia 37:29

I a tia n noora kainikatongam ao unim ae e rangi ni korakora irou. Ao ngkai N na kaaki te matau i b'airim, ao te b'ai ni bwe i nanoni wiim, ao i mwiina, N na kaokingkami. nakon te tabo are kam nako mai iai.

Taniera 4:37

Ma ngaia are ngkai, I neboa Ueani karawa ngai ae Nebukaneta, ao ni karinea ma ni kamoamoa ueani karawa. A bane ni koaua ma n eti baika E karaoi, ao E kona ni karinanoa te aomata ae e kainikatonga.”

Mika 5:9

A na kataea aia kai aiaia Iteraera, ao a na kabaneia n tiringiia n akea nikiraia.

2.I-Korinto 5:10

B'a ti na boni bane ni kateaki i matan ana kaintoka ni motikitaeka Kristo, b'a e aonga n anganaki temanna ma temanna booni mwin ana m'akuri ni kabane ake e a tia ni karaoi n rab'atana, aika baika raraoi ke a bubuaka.

1.Betero 5:5

Ao i bukimi ngkami aika kam ataei riki: kam na aan-taeka irouia unimm'aane. Ao kam na b'aina te nanorinano n aromi n i torotoro iroumi; b'a e kaangai te B'aib'ara: “B'a E ekianako akana kainikatonga te Atua, ao E akoia akana nanorinano.”