Taian Areru 92:8 - Te B'aib'ara

⁸ i bukina ngkai Ngkoe, te UEA, ae te kabanea ni m'aaka n aki toki.

Taian Areru 92:8 ပူးပေါင်းရင်းမြစ်များ

Taian Areru 125:5

Ma ngkana Ko kareke kaiia akana buakaka, ao e na kareke kaiia naba akana aki ira nanom. Tataro i bukin reken te rau i aoia Iteraera!

Taian Areru 37:2

Ane a na waekoa ni mate n ai aron te uteute ke te aroka ae aki tetebokaki.

Taian Areru 56:2

Akea tokiia n eekainako. A bati aika buakanai.

Taian Areru 73:17

ni karokoa are I rin nako n am Tembora; Ao I a ataa ngkanne iai te bae e na riki nakoia aomata akana buakaka.

Taian Areru 73:18

Ane Ko na kaakiia n te tabo ae kamaranran, Ao Ko na kab'akaia n ototoiia!

Taian Areru 83:18

A na ataiko b'a Ngkoe ae te UEA, bon ti Ngkoe ae Moan te Rietaata i aonnaba ni kabane!

Taian Areru 93:4

E korakora m'akan te UEA n tautaeka i karawa, E korakora riki nakon rurungaan nanoni marawa, Ao nakoia naao aika korakora.

Te Otinako 18:11

I a bon ataia ngkai b'a E boni korakora riki te UEA nakoia atua nako, i bukina ngke E karaoa aei ngke a karaoa te m'akuri ae buakaka kaain Aikubita nakoia Iteraera.”

Te Minita 5:8

Ko na aki kubanako ngkana a kabuakakaaki aomata aika a maiu ni kainano i aon abam, ao e na oneaki mwiin te eti n te kaairua. A na riai ni karaoa te b'ai are a tuangaki mataniwi aika a rinano irouia ake a rietaata.

M'akuri 12:1

Ao ni boong naba akekei, ao e b'ainikiriniia kaain te ekaretia tabem'aang Erote are te uea.