Taian Areru 92:13 - Te B'aib'ara

¹³ Ai aroia kaai akana unikaki n ana auti te UEA, akana maiureirei n te Tembora ae Um'an Atuara;

Taian Areru 92:13 ပူးပေါင်းရင်းမြစ်များ

2.Rongorongo 4:9

E anga ana taeka Toromon b'a e na karaoaki katawanangin te Tembora aika uoua. Iai te katawanang ae e buubura, ao iai ae e uarereke: te katawanang are e uarereke bon ti ibonga aika a konaa ni kamanenaa. A kabiraki mataroan taian katawanang aikai n te buraati.

Etita 9:4

E a rangi n ataaki ngkai ni kabutaa te abanuea b'a e a rangi ni m'aaka Morotekai n te bareti ao e rikirake m'aakana.

Taian Areru 100:4

Kam na rin ni mataroan te Tembora ma te katituaraoi, kam na rin i nanona ma te nebonebo. Kam na katituaraoia ao neboia.

Taian Areru 116:19

i nanon te Tembora are ana Auti te UEA i Ierutarem. Kam na neboa te UEA!

Taian Areru 135:2

Akana kam tei n ana auti te UEA, n ana Tembora Atuara.

Ana Anene Toromon 4:11

Riam kaanga ngaon te manibeeru are iai ana karewe; e raanga nako te miriki ma ana karewe te manibeeru man newem. E boiarara kunnikaim ni boiararan te kai te tiira mai Reb'anon.

Ana Anene Toromon 5:15

Ti te bo rangana ma taian boua aika maabora i aon raurau ni wae aika koora. E tei ikekei ni karineaki kaanga te Maunga are Reb'anon ma arokana kaai aika tiira aika a rineaki.

Itaia 60:21

A na maiu raoi ami aomata ma n teimatoa ni b'aina te aba; bon taian aroka ngaia aika I unikia b'a a na neboai.

Itaia 61:3

mai ai moaraara riki i Ierutarem. E kanakoai b'a N na anganiia taiani uee n onea mwiin nanokawakiia, b'aan te oriwa n onea mwiin taian rannimata, ao te kukurei n onea mwiin te uruakinnano. A na aranaki b'a “Arokan te Motiraoi,” are e unikaki iroun te UEA i bukin neboan arana.

Otea 14:5

N na riki b'a kaanga te aoi ao ane kam na kaurei ueemi kaanga taiani kiebu ao a na riki wakaami b'a kaanga taian aroka.

I-Rom 11:17

Ngkami aika tiaki I-Iutaia, ti te bo ngkami ma m'aangan te kai ae te oriwa are riki n aki akaaka, aika m'aangana ake a katomaaki ni kamaiuaki ma m'aangan te oriwa are unikaki raoi, aika m'aangana ake a tia n oteaki. Kam a tia n onei mwini m'aanga tabeua ake a tia ni koreaki mai iai; ao i bukin aromi aei, ao kam a b'aina te kab'aia are e reke man rikimi b'a m'aangan te kai are unikaki raoi.

I-Rom 6:5

B'a ngke ti rikirake ni katiteuanaki ma Ngaia ni katotongani matena, ao ai arona naba, b'a ti na rikirake ni katiteuanaki ma Ngaia ni katotongani manga-utina.

I-Ebeto 3:17

b'a E na maeka Kristo i nanomi i bukin ami onimaki, ao b'a a na iai wakaami ma aami n te tangira,

2.Betero 3:18

Ma kam na rikirake n te akoi ao n ataakin ara Uea ao ara Tia Kamaiu are Iesu Kristo. Ana b'ai te neboaki ngkai, ao n aki toki. Amen.