Taian Areru 91:3 - Te B'aib'ara

³ E na kakawakiniko b'a ko na aki kabuanib'ai mani b'aai ni kam'am'ane aika raba mai roum, Ao man aoraki aika kamaamate.

Taian Areru 91:3 ပူးပေါင်းရင်းမြစ်များ

2.Tamuera 24:15

Ma ngaia are, n te ingabong anne, E kanakoa te anera te UEA b'a e na kabutaa aon Iteraera ni kabane n te aoraki ae e kakamaaku, ni moa mai Taan nako Beerateb'a.

1.Uea 8:37

N taai tabetai, a na m'autakataka taian aroka, ke a na mka, ke a na kanaki irouia rookati ke taian taake, ao ane a na mate ni baki am Aomata. N tabetai ane a na katobibiaki aia kaawa irouia aia kairiribai, ke a na aoraki am Aomata n aoraki aika a kamaamate,

Taian Areru 124:7

Ti a tia ni kainaomataaki n ai aron te mannikiba ae kainaomataaki man ana b'ai ni kam'am'ane te tia kaei maan;

Taian Areru 141:9

Ko na kawakinai b'a N na aki m'ane n aia b'ai ni kam'am'ane akana buakaka, akana a katauraoi ni karabai i m'aiu.

Taian Areru 68:21

E na boni kamanatuai atuia aomata akana ribaia, Akana teimatoa n aroia ni bubure.

Taian Areru 91:6

Ke anti aika buakaka aika aiwaa n te bong ma te ngaina n iowawa ma n tiritiri.

Taeka n Rabakau 6:5

Kamaiuko i bon iroum, n ai aron te ria ke te mannikiba ae e kataia ni birinako mairoun te tia kaeman.

Taeka n Rabakau 7:23

ao e tiringaki n taian kanoanikatebe. Ti te bo arona ma te mannikiba ae kawaekoaa nakon te kainikab'aru, ma n aki ataia b'a e na kabuanib'ai maiuna iai.

Te Minita 9:12

Bon akea mai buakora ae e ataa te tai ae e na reke iai, b'a konan te kabuanib'ai ae e karina, are ti na kuneira iai kaanga te ika ae e bae n te karaun, ke te mannikiba ae e m'ane n te b'ai ni kam'ane.

Otea 9:8

Iteraera, e kanakoai te UEA b'a N na tararuaiko. Ma ko kam'aneia ana burabeti nako ao ko kaona ana tembora n te riribai.

Amota 3:5

E kona ni m'ane te mannikiba n te b'ai ni kam'ane ngkana akea abeana? E kona ni kam'ane te b'ai ni kam'ane ao akea konana?

1.Timoteo 6:9

Ma akana kan riki ni kaub'ai a b'aka nako nanon te kaririaki, a m'ane n te b'ai ni kam'am'ane, ao a reke n naano aika baba ma ni kamaraki, aika taonaki ni kab'ab'aaki iai n tiringaki ma ni kamateaki.

2.Timoteo 2:26

ao tao a na oki aia iango iai, ao a na maiu man ana b'ai ni kam'am'ane te riaboro, ngkai a tia n tauaki i rouna b'a konana ake e karaoia b'a a na karaoa nanona.