Taian Areru 91:15 - Te B'aib'ara

¹⁵ Ngkana a weteai, ao N na kaekaia; ngkana a kai nanoia, ao N na mena irouia. N na kamaiuia ma ni kakab'aiaia.

Taian Areru 91:15 ပူးပေါင်းရင်းမြစ်များ

Iobi 12:4

A ngareakinai naba n arou aei uaake bon raoraou; e ngae ngke I eti raoi n akea te b'ai ae I reke ni bukinaki iai. Bon iai ngkoa te tai ae kaekaekai iai au tataro te Atua.

Iobi 5:19

E na kamaiuko te Atua man te b'ai ae kamamate n te tai teuana ma teuana.

Taian Areru 10:17

Te UEA, Ko na ongo aia buubuti akana mangori; ao Ko na kakorakorai nanoia.

Taian Areru 138:7

Ngkana a otab'aniniai taiani kaangaanga, ao Ko boni kakaawakinai. Ko ekianako nako taan ribaai ngkana a un, ao Ko kamaiuai ni m'aakam.

Taian Areru 18:15

Te UEA, ngke Ko boaiia aiam, ngke e korakora angini b'airim n unim i rouia, Ao e oti aontanon nanoni marawa, Ao a oti naba aan aonnaba.

Taian Areru 23:4

Ngkana tao I nakonako i nanon m'aruan nuun te mate, ao N na bon aki maaku, te UEA b'a Ko meemena i rarikiu. Am kai ao okom a kawakinai raoi man taian kabuanib'ai.

Taian Areru 37:40

E buokiia ao E kamaiuia; E kamaiuia mairouia akana buakaka, b'a kioina ngkai a karabaia i rouna.

Taian Areru 50:15

Kam na weteai n tain te kaangaanga; N na kamaiungkami, ao kam na neboai.

Itaia 41:10

Ko na aki maaku. Bon raou ngkoe. Ko na aki ruru ni maaku. Bon Atuam Ngai. N na kakorakorako, ngkana I kamanoko ni baiu ma n anganiko taian tokanikai.

Itaia 58:9

E na kaekaingkami te UEA ni kaangai, “Aio Ngai!” Ngkana kam buubutiai buokami. Kam na aki karaoa ae aki raoiroi nakoia tabem'aang ke ni bukiniia n te aro ni kewe ke n taetae n aki akaaka nakoia.

Itaia 65:24

Im'ain tokin aia tataro, ao N na kaekai aia tataro.

Ieremia 33:3

“Weteai ao N na kaekako; N na tuangko b'aai aika a kamimii aika a tamaroa aika ko tuai man atai.

Tekaria 13:9

Ao i mwiina, N na kaitiakia ma ni karaoia b'a a na kataaki, kaanga te koora ma te tirewa ngkana a kaitiakaki ma n tuoaki. Ane a na tataro n arau, ao N na kaekaia. N na kaangai, “Au aomata ngkami,” ao a na kaeka ni kaangai, “Bon te UEA Ngkoe ae Atuara!”

Mataio 28:20

ao n reireiniia b'a a na iri nanoni b'aai ni kabane ake I a tia n tuangngkami; ao noria, I a memena i roumi n taai nako ni karokoa tokin aonnaba.

Ioane 12:26

Ane toro irou, ao e riai n irirai; ao ike I mena iai, ao e na mena naba iai au toro; ane toro irou, ao e na karineaki iroun Tamau.

Ioane 12:43

b'a a tangira riki kamoamoaaia irouia aomata nakoni kamoamoaaia iroun te Atua.

Ioane 16:32

Noria, e a roko te aoa, ao e a boni kaman roko, are kam na kauamaaeaki nako iai nakoni mwengami nako, ao kam na kitanai ni katukai n ti Ngai; ma iai raou b'a Tamau.

Ioane 5:44

Kam na kanga ni kona n onimakinai ngkai kam butim'aea te kamoamoaki mairoun temanna ma temanna, ao kam aki ukoukora te kamoamoaki mairoun Temanna are bon ti Ngaia te Atua?

2.Timoteo 4:17

Ma E tei te Uea i rarikiu ao E kakorakoraai b'a N na taekina te euangkerio ae b'anin b'a a na ongo aomata aika tiaki I-Iutaia; ao I kamaiuaki man te mate.

Ebera 5:7

Ngke E maiu Iesu i aon te aba, ao E tataro ni bubuti ma te tang ae korakora ma ranni matana nakon Teuare kona te kamaiua man te mate, ao E ongo i Rouna i bukina b'a iai makan ma karinean te Atua i Rouna.

1.Betero 1:21

ngkami akana kam onimakina te Atua i rouna, ae E a manga kamaiua mai buakoia maate, ao E anganna te neboaki; b'a a aonga n tiku ami onimaki ma ami kaantaninga iroun te Atua.

1.Betero 3:22

are nako karawa, ao E mena i angaatain te Atua, n tautaeka i aoia anera ma ake iai m'akaia ma aroia n tautaeka.

1.Betero 5:4

Ao ngkana E a manga oki te Tia Kawakin-tiibu are te Mataniwi, ao e na reke iroumi te bau are te neboaki are aki kona n rai.

Te Kaotioti 3:21

Ane tokanikai, ao N na anganna te kona n tekateka ma Ngai n au kaintokanuea, n ai arou naba ngke I tokanikai ao I tekateka ma Tamau n ana kaintokanuea.

1.Tamuera 2:30

Bon te UEA Ngai ae Atuaia Iteraera. I berita b'a n na teimatoa ni kariaia ami utu b'a a na m'akuri b'a ibonga, ma I tuangkami ngkai b'a bon akea riki te b'ai teuana ae I kona ni manga karaoia! I karineia aomata aika a karineai, ma I kamaraiaia akana a ribaai.