Taian Areru 91:11 - Te B'aib'ara

¹¹ E na mwiokoia ana anera te Atua b'a a na tararuaiko ni kawakiniko n taabo ake ko na nako iai.

Taian Areru 91:11 ပူးပေါင်းရင်းမြစ်များ

Karikani B'aai 28:15

Uringnga b'a N na bon kakawakiniko n taabo nako ike ko nako iai, ao N na manga kaokiko nakon te aba aei. N na bon aki kitaniko ni karokoa I tia ni karaoi b'ai ni kabane ake I a tia ni berita iai.”

Taian Areru 34:7

A kakawakinaki akana karinea te UEA iroun ana anera, Ao e kamaiuia man taiani kaangaanga.

Taian Areru 71:3

Ko na riki b'a nneu ni katantan ae mano raoi ae N na kakawaria, ao au nono ae matoatoa b'a nneu ni kamanoai; Boni katanau ao otangau Ngkoe.

Te Otinako 23:20

N na kanakoa te anera b'a e na kaawakiningkami ma ni kairiingkami nakon te aba are I a kaman anganingkami.

Taeka n Rabakau 3:6

Karikia n taai nako b'a te tia kairiko, ao e na kaitiaka te kawai b'a ko aonga n ri mwiina.

Itaia 31:1

Ko a reke n te kaangaanga ngkana ko nakon Aikubita i bukin buokam, ke ngkana ko mwiokoi taiani kaa ni buaka ake a katikitikaki irouia aoti ke taani buaka i aoia aoti. Ma ko riai n mwiokoa ao n onimakina te UEA ae te Atua ae e tabu ae Atuan Iteraera.

Ieremia 2:18

kam onimakina m'aakan Aikubita ao Aturia.

Mataio 4:6

ao e taku nako Ina, “Ngkana Natin te Atua Ngkoe, ao Ko na ewe nako, b'a e koreaki ae kangai: ‘E na mwiokoia ana anera b'a a na tabeakiniko; ao a na tabekiko ni baiia, b'a e kawa n toki waem n te atibu.’ ”

Ebera 1:14

Tiaki bon tamnei ni kabaneia anera, aika taani m'akuri aika kanakoaki b'a a na buokiia te koraki akana nang karekea te kamaiuaki?