Taian Areru 91:1 - Te B'aib'ara

¹ Ane katanna iroun te Atua ae Moan te Rietaata, Ane kamanoa iroun te Atua ae M'aaka,

Taian Areru 91:1 ပူးပေါင်းရင်းမြစ်များ

Taian Areru 121:5

E na kakawakiniko te UEA; E na memena i rarikim ao ni kataniko man riringan taai.

Taian Areru 17:8

Kawakinai n ai aroni kawakinan ataeini matam; karabaai i aan nuuni baim ni kiba.

Taian Areru 25:13

A na bati ni kakab'aiaki, ao a na abana te aba aia kariki.

Taian Areru 27:5

E na kawakinai ni kamanoai man te kaangaanga i nanon ana Tembora, ao E katokaai i aon te b'a ae rietaata ae N na maiu iai.

Taian Areru 31:20

Boni neia ni karabaia Ngkoe man aia m'akuri ni kakam'arua aomata; Ko karabaia n te tabo ae a mano raoi iai man taian taetae n iowawa.

Taian Areru 32:7

Boni nneu ni karabai Ngkoe; Ko na kamaiuai man te kaangaanga. I anene n takaruaea taekan am Kamaiu, I bukina b'a Ko kamanoai.

Taian Areru 36:7

Te Atua, ai kakawakira am Tangira ae Teimatoa! A bane aomata ni kataniia iroum, i aan nuuni baim ni kiba.

Taian Areru 52:8

Ao ngai ai aron te kai ae te oriwa ae maiu raoi n um'an te Atua: I onimakina ana ataataiaomata te Atua n aki tootoki.

Taian Areru 57:1

Ko na nanoangaai, te Atua, Ko na nanoangaai, B'a boni Ngkoe reken rauni maiu. Ko kamanoai i aan nuuni baim ni kiba ni karokoa e toki karen angibuakan te maiu.

Taian Areru 90:1

Te UEA, boni nera ni maeka Ngkoe n taai nako.

Ana Anene Toromon 2:3

Ao ngkoe, au tangira, bon te kai ae te aaboro i buakon kain te buakonikai. E anganai te kukurei nuum; ao a karewerewe uaam.

Itaia 25:4

Ko a tia n riki b'a te tabo ni kamanomano i bukiia aika a maiu ni kainano ma n tangira buokaia i nanon tain te kaangaanga. A buakaniira ara kairiribai kaanga rokon te karau ae e korakora ke kaanga riringan taai n te tawanou, ma ko bon riki b'a katanara.

Itaia 32:2

A na riai n riki b'a nne ni kamaiu man taian angibuaka, b'a taiani karaanga n ran n te rereua, ao te b'a ni katantan ma ni kabuebuen taai.

Itaia 8:14

Biiri nako iu i bukin b'aai ni kamanoakimi. Bon Ngai te b'aa ae e kaai n kab'akaaki man kamaaeaki iai riin aban Iuta ma Iteraera.

B'aeb'aeti 4:20

A uotaanako buroora are mwiokon maiura, are E a tia n rineia te UEA, are teuare ti onimakinna b'a te tia kawakiniira mai irouia ara kairiribai.

Etekiera 11:16

Ma aio te b'ai ae I tangiria b'a ko na tuangiia Iteraera ake i B'aburon: Bon te koaua ae bon te UEA Ngai ae te Atua, ae I kairoroingkami ni kanakoingkami man oin abami ma ni karikingkami b'a kam na maeka i buakoia botannaomata aika ianena. Ma ngkai, N nang mena iroumi n taabo nako ike kam mena iai, b'a kam aonga ni konaa n taromauriai.

Tani Motiki-taeka 9:15

Ao e taku te aroka ae kateketeke, Ngkana kam bon tangirai b'a N na riki b'a ami uea, ao kam na nakomai nako aan nuu ao N na kaawakiningkami Ma ngkana kam m'am'anaai, ao N na kauraa te ai are na rakanako ma n tiringi tiiran Reb'anon.