Taian Areru 90:17 - Te B'aib'ara

¹⁷ Te UEA ae Atuara, Ko na kakab'aiaira. Ko na katetekeraoira ni b'ai ni bane aika ti karaoi!

Taian Areru 90:17 ပူးပေါင်းရင်းမြစ်များ

Iobi 22:28

A na kokororaoi bukin b'aai ni kabane aika ko karaoi; ane na oota te oota i aon kawaim nako.

Taian Areru 110:3

E na nooraki n te bong arei, mimitongin m'akam ngkana ko tautaeka ni korakoram ni kabanea. Ko na kunnikai taian kunnikai aika tabu ae kanga ai aron te aoi i m'ain otin taai

Taian Areru 118:25

Kamaiura, te UEA, kamaiura! Ti na butiia te UEA ma nanora aika itiaki b'a e na anganira te tekeraoi!

Taian Areru 27:4

Teuana te b'ai ae I butia iai te UEA, ae te b'ai ae I tangiria: b'a N na maeka n ana auti ni kabanea bongini maiu, ni mamatakuakina kamimiin raoiroina, Ao ni bubutiia ana kairiiri.

Taian Areru 50:2

E oota nako mimitongina mai Tion, are moanibaan te tamaroa.

Taian Areru 68:28

Te Atua, Ko na kaota m'aakam, are m'aakam are Ko kamanena i bukira

Taian Areru 80:3

Te Atua, Ko na kaoka kab'aiara nakoira! Kaota am Nanoanga nakoira, ao ti na kamaiuaki iai.

Taian Areru 80:7

Te Atua are Moan te M'aaka, Ko na kaoka kab'aiara nakoira; Kaota nakoira am Nanoanga, ao ti na kamaiuaki iai!

Taeka n Rabakau 16:3

Butiia te UEA b'a E na kakab'aia am babaire, ao e na bon kakororaoa nanona.

Itaia 26:12

Ko na anganiira te rau i bukina ngkai ti a tia ni karaoi ni m'aakam.

1.I-Korinto 3:7

Ma ngaia ae e aki kakawaki te aomata are unika te aroka, ao te aomata naba are tebotebokia; ma E kakawaki te Atua b'a Ngaia are karikirakea maiun te aroka.

2.I-Korinto 3:18

Ao ngaira ni bane ma matara aika aki rabunaki, aika ti nora mimitongin te UEA kanga n te tirotaam, ti tabe n onikaki nakoni katotongana man te mimitong teuana nakon teuana; ao e riki aei mairoun te UEA ae te Tamnei.

2.I-Tetaronike 2:16

ao ara Uea are Iesu Kristo ma te Atua ae Tamara are tangirira, ma n akoira n anganira kabebetean te nano ae aki toki, ma te kaantaninga ae raoiroi,

1.Ioane 3:2

Ngkami aika kam tangiraki, bon natin te Atua ngaira ngkai; ao e tuai ni kaotaki b'a terana arora rimwi. Ti ataia, b'a ngkana E a manga oki Kristo, ao ti na katotonga arona, i bukina b'a ti na nora arona ni koaua.