Taian Areru 90:13 - Te B'aib'ara

¹³ Te UEA, ai ti maanraa am Tai n un? Ani bita nanom, ao nanoangaira, ngaira aika am Toro.

Taian Areru 90:13 ပူးပေါင်းရင်းမြစ်များ

Taian Areru 106:45

E uringa ana boraraoi i bukiia, ao E bita nanona n nanoanga n ai aroni m'aitin ana ataataiaomata;

Taian Areru 135:14

E na kaeti taekaia ana botannaomata te UEA; E na nanoangaiia ana toro.

Taian Areru 6:5

Akea uringam irouia aika mate; ao antai ae kona n neboiko i Tiore?

Taian Areru 74:10

Te Atua, ai ti maanraa aia tai ara kairiribai ni ngareakiniko? A na toki ningai n taekiniko n te aro n iowawa?

Taian Areru 80:14

Te Atua are Moan te M'aaka, Ko na rairaki n okirira! Ko na taraira mai karawa; nako mai ao buokiia am Botannaomata!

Taian Areru 80:15

Nako mai ao buokiia am aomata aika Ko a tia ni kamaekaia ikai ma ni karikirakeia b'a te botannaomata ae korakora!

Taian Areru 89:46

Te UEA, Ko na karabako n aki toki? Maanraa ana tai n ura unim n ai aron te ai?

Te Otinako 32:12

Ane a na taku kaain Aikubita b'a Ko kaotinakoia nakon te maunga aei b'a ko na karaoi taekaia iai. I butiiko b'a Ko na aki un irouia am aomata. Ko na aki tiringiia!

Te Otinako 32:14

E aoria ngkana E a tia ni katanoataa te UEA b'a E na kamaunaia ana aomata, ma E na manga bon bita nanona ma ni kamaiuia.

Itaia 63:17

E aera ngkai ko karaoira b'a ti na tannako mairoum, ara UEA? E aera ngkai ko karaoira b'a ti na aki tangiria n ongotaeka iroum? Taiaoka bita nanom! Bon am taani m'akuri ngaira, ao bon am aomata ni koaua ngaira.

Ieremia 12:15

Ma N na manga nanoangaiia botannaomata aikai n te tai teuana ma ni manga kaokiia nako oin abaia nako.

Otea 11:8

Iteraera, I aki konaa ni kanakoko. I aki konaa ni kaaki taekam. N na kangaa ni konaa n uruaniko n aron are I karaoia nakon te kaawa are Atema ao Teboiim? I aki kona ni karaoia E nang korakora nanou i bukimi.

Amota 7:3

Ao E bita nanona te UEA ao E taku, “Tera ae ko a tia n nooria Amota, N na bon aki kakoroa bukina.”

Amota 7:6

Ao E a manga bita naba nanona te UEA ao E kaangai, “E na aki koro naba bukin aei.”

Iona 3:9

Antai ae na ataia ao e a ti bita naba nanona te Atua, ao ma n toki unna, ao ti a aki mate!

Tekaria 1:16

Ai ngaia are, N na nanoangaa Ierutarem. E na manga moan kateaki te kaawa ae e b'anin, ao e na manga kateaki au Tembora.

Warekaia Iteraera 10:36

Ao ngkana a manga motirawa ma ni katei aia auti n rianna, ao e a manga tataro Moote ni kaangai, “Ko na aki kararoako mai rarikiia Am aomata aika nga ma nga.”

Te Tua-Kaua 32:36

E na ti kona n nanoangaia te UEA ma n anganiia te motikitaeka ae eti ngkana ai ti tabeman ana Aomata, ao akea korakoraia ao a riki tabeman mai buakoia b'a buure, ao E a tib'a nanoangaia te UEA ao E a anganiia te motikitaeka ae eti.