Taian Areru 90:10 - Te B'aib'ara

¹⁰ Ti itibwi ana ririki ni maiu te aomata, ke tao wanibwi i bukin te matoa ni mauri; Ma iriaia ti te rawaawata ma te aki rau; a kai toki maiura, ti kai nako.

Taian Areru 90:10 ပူးပေါင်းရင်းမြစ်များ

Karikani B'aai 47:9

Ao e taku Iakob'a, “M'aitin au ririki i nanon maiu ae te m'am'ananga bon tebubua tenibwi te ririki. Ao ririkini maiu aikai a bon kimototo, ao a kamaamate, tiaki aron anaanaun ririkin maiuia au bakatibu i nanon maiuia naba ni m'am'ananga.”

Karikani B'aai 6:3

Ao i mwiin anne, ao E taku te Atua, “N na kauarerekea maiuia aomata, b'a bon rab'ata ngaiia. Ni moa man te tai aei, ao a nang aki manga raka ririkin maiuia i aon 120 te ririki.”

2.Tamuera 19:35

Ai wanibwi au ririki ni maiu, ao e a rikirake rab'atau n aki namakinaaba. I a aki ataa kangkangin te am'arake ke n ongo karongoaan te anene, ai bon akea bonganau b'a N nang riki b'a te b'ai ni katabetabe.

2.Tamuera 19:36

N na ri nanon te karaanga ma ngkoe, ma N na aki konaa ni kararoa te kawai n te itera are teuana. Ko riai n aki rangi ni kabanea am tai n akoai.

1.Uea 1:1

E a bon rangi ni kara ngkai te uea are Tawita, ao e a rangi ni mamariri e ngae ngkana e rabunaki ni burangketi aika a rawata.

Iobi 14:10

Ma ana bane ni mate aomata, ao bon anne tokiia; a mate, ao a manga ngaa ngkanne?

Iobi 20:8

E na bua n ai aron te mii, kaanga te mii ae kakamaaku n te tairiki, ao e na aki manga oki n nooraki.

Iobi 24:24

E rikirake kab'aian te aomata ae buakaka, ma e a manga rai n ai aron te uteute, kaanga ai aron te kai ae uangingi are a tia ni koreaki.

Iobi 5:7

E bon aki! E bon karika te kangaanga te aomata i bon i rouna, kaanga ai aron te m'aakaro n ai ae e kibanako mai nanon te ai.

Taian Areru 78:39

E uringnga ae bon ti aomata ngaiia, ae kanga ai aroni karen te ang ae roko ao n nako.

Itaia 38:12

E anaaki mairou maiu kaanga te autinrianna ae e kab'araaki ma ni uotaki nako iroun te tia kaawakintiibu. Ko koreai kaanga karain te kunnikai man te b'aini karao kunnikai mai roun te tia raranga kunnikai; ko urubekeai n te bong ao te ngaina.

Nakoaia Ibonga 27:7

tebwi ma nimaua te maibiibi n tirewa i bukiia ataeinim'aane ae roroia onobwi te ririki ao i aona, ao tebwina i bukiia aine.

Ruka 12:20

Ma E taku te Atua nako ina, “Te nanobaba! N te tairiki aei, ao e na anaaki maium mai roum; ao b'aai akana ko a tia ni katauraoi, antai ae na b'aini?”

Te Tua-Kaua 34:7

E mate Moote ngke ai 120 ana ririki ni maiu, ao a bon raoiroi naba ana taratara, ao e marurung rab'atana.

Iakobo 4:14

Ao kam bon aki ataia b'a tera aroni maiumi ningabong. B'a kanga ai aron te mabubu ngkami, ae kaoti teutana ao rimwi e mauna.

Iotua 14:11

ao bon ti te bo naba marurungiu ngkai ma marurungiu n te tai are e kanakoai iai Moote b'a ana tia tutuo ni karaba. E bon rangi n tau naba ngkai korakorau nakon te buaka ke b'aai riki tabeua.