Taian Areru 9:9 - Te B'aib'ara

⁹ Bon te tabo ni kamaiu te UEA i bukiia akana a karawaawataaki, ao bon te nne ni kamanomano ni bongin te rawaawata.

Taian Areru 9:9 ပူးပေါင်းရင်းမြစ်များ

1.Rongorongo 16:33

Ane a na bane arokan te buakonikai n anene ni kukurei nakon te UEA E a roko b'a e na motikitaekaia aomata ni kabane n te aonnaba.

Taian Areru 108:12

Buokira n ara tai n aitara ma aiara; b'a akea manenani buokara mairoun te aomata.

Taian Areru 142:4

Ngke I tara rarikiu, ao I noria b'a akea ae na buokai, akea ae na kamanoai. Akea ae tabeakina maiu.

Taian Areru 18:2

Bon au b'a ni katantan ae rietaata ngkoe te UEA; Bon au nono ae matoatoa, ao te tia kamaiuai ngkoe; Bon Atuau ae nneu ni katanai ae I raba raoi i rouna; mairouia taan ribaai;

Taian Areru 20:1

E na buokiko te UEA ngkana ko reke n te kaangaanga! E na kamanoko Atuan Iakob'a!

Taian Areru 32:7

Boni nneu ni karabai Ngkoe; Ko na kamaiuai man te kaangaanga. I anene n takaruaea taekan am Kamaiu, I bukina b'a Ko kamanoai.

Taian Areru 37:39

E kamaiuia akana raoiroi te UEA, ao E kataniia n tain te kaangaanga.

Taian Areru 46:1

Boni nera ni katantan ao korakorara te Atua. E kaan n taai nako ni buokira n tain te kangaanga.

Taian Areru 46:7

Bon raora te UEA ae Moan te M'aaka; Bon otangara Atuan Iakob'a.

Taian Areru 48:3

E a tia te Atua ni kaotia b'a te nne ni kamanomano i nanon nonon te kaawa.

Taian Areru 50:15

Kam na weteai n tain te kaangaanga; N na kamaiungkami, ao kam na neboai.

Taian Areru 62:8

Kam na onimakina te Atua n taai nako, ngkami aika au aomata. Tai toki n tuangnga ami kangaanga ni kabane, b'a Ngaia nera ae ti rau raoi iai.

Taian Areru 67:5

Te Atua, a na neboiko aomata; A na neboiko aomata nako.

Taian Areru 7:9

Bon te Atua ae ko raoiroi ngkoe ae ko motiki taekan ara iango ma nanora. Katoki aia m'akuri aomata aika buakaka ao kakab'aiaia akana a kaakaraoa ae e raoiroi.

Taian Areru 96:10

Kam na kaangai nakoia botannaomata nako, “E uea te Atua! E tei n nene ni nena aonnaba n aki kona ni kam'aingaki; E na motiki taekaia botannaomata ma te eti.”

Taian Areru 98:9

I bukina b'a E roko n tautaekana te aba. E na tautaeka i aoia aomata nako i aonnaba n te eti ma te aki nanonano.

Taeka n Rabakau 18:10

Bon te taua ae e korakora te UEA ike a konaa ni biri nako iai ana aomata ni kamanoia

Itaia 32:2

A na riai n riki b'a nne ni kamaiu man taian angibuaka, b'a taiani karaanga n ran n te rereua, ao te b'a ni katantan ma ni kabuebuen taai.

Itaia 8:14

Biiri nako iu i bukin b'aai ni kamanoakimi. Bon Ngai te b'aa ae e kaai n kab'akaaki man kamaaeaki iai riin aban Iuta ma Iteraera.

Naum 1:7

E raoiroi te UEA. E kamanoia Ana aomata n tain taiani kaangaanga. E kawakinia akana a rairaki nakoina.

Ruka 13:34

“Ngkami, aika kaain Ierutarem, aika kam aki toki ni kamateia burabeti ao kam karebanaia ake a kanakoaki nako imi! Ai m'aiti ra au kani boboti ngkami, n ai aron te moa aine, ngkana e botiia natina i aani baina, ma kam rawa!

Te Tua-Kaua 33:27

Nnera ni karabaira te Atua ae akea tokina; E uotiira ni baina. Ngkana E tuangkami te UEA b'a kam na tiringiia ami kairiribai, ao ane E na kabirinakoia mai m'aaimi.

Ebera 6:18

b'a ti aonga ni karekea kakorakoraan nanora ae bati ni baika uoua aikai aika aki bibitaki, aika ti aki kona ni keweaki iai iroun te Atua, ngaira aika ti biri nako b'a ti na taua te kaantaninga are kamenaki i m'aira.